ایشیائی ہاتھی معدوم ہونے والی مخلوقات میں شامل

گاندھی نگر: ہندوستان اور برصغیر کے دیگر ملکوں میں پائے جانے والے ہاتھی کو معدوم ہونے کے دہانے پر پہنچ چکیں نقل مکانی کرنے والی مخلوقات کی فہرست میں شامل کر لیا گیا ہے۔

نقل مکانی کرنے والے جانوروں پر اقوام متحدہ کی کانفرنس (سی ایم ایس)ک ے رکن ملکوں کی یہاں ہورہی 13 ویں میٹنگ میں ہندوستان کی جانب سے پیش اس تجویز کو بلا مقابلہ منظوری دے دی گئی۔ سری لنکا، بنگلہ دیش اور یورپی یونین کے ساتھ ہی رضاکار تنظیموں نے بھی تجویز کی حمایت کی۔ کسی بھی ملک یا تنظیم نے اس کی مخالفت نہیں کی۔

ہندوستان نے میٹنگ کےپہلے دن 17 فروری کو ایشیائی ہاتھی کو سی ایم ایس کے اپینڈکس-1 میں شامل کرنے کی قرارداد پیش کی تھی۔اس فہرست میں ان مخلوقات کو شامل کیا جاتا ہے جن کے معدوم ہونے کا خطرہ ہوتا ہے۔ اس وقت دنیا کے 13 ملکوں میں تقریباً 50 ہزار ہاتھی ہیں۔ ان میں 30 ہزار ہندوستان میں ہیں۔ اس فہرست میں شامل ہونے کے بعد سبھی رکن ملکوں کے لئے اس نسل کے جانوروں کا تحفظ لازمی ہوجاتا ہے۔

سری لنکا نے کہا کہ حالانکہ اس کے یہاں ایشیائی ہاتھیوں کی تعداد کافی ہے، اس کے باوجود وہ اس کی حمایت کرتا ہے۔ بنگلہ دیش نے کہا کہ مربوط کوشش کے ذریعہ انسان اور ہاتھیوں کے درمیان جدوجہد کو کم کرنے کی کوشش کرنی چاہئے۔