دہلی کار دھماکے پر اسد الدین اویسی کا ردعمل

دہلی کے لال قلعہ کے باہر کار دھماکے پر اے آئی ایم آئی ایم کے سربراہ اسد الدین اویسی کا پہلا ردعمل سامنےآیا ہے۔ اویسی نے واقعہ کی مذمت کرتے ہوئے کہا کہ ذمہ داروں کو قانون کے تحت سخت سزا دی جانی چاہئے۔

لوک سبھا ایم پی اور اے آئی ایم آئی ایم کے سربراہ اسد الدین اویسی نے اس واقعہ کے حوالے سے سوشل میڈیا پلیٹ فارم ایکس پر ایک پوسٹ شیئر کی ہے۔ اپنی پوسٹ میں، انہوں نے لکھا ہے کہ، "میں لال قلعہ کے باہر کار دھماکے کی خبر سے بہت غمزدہ ہوں۔ میں زخمیوں کی جلد صحت یابی اور اپنے پیاروں کو کھونے والے خاندانوں کے لیے صبر کی دعا کرتا ہوں۔" انہوں نے کہا کہ مجھے امید ہے کہ اس واقعہ کی مکمل اور فوری تحقیقات کی جائے گی۔ اس گھناؤنے فعل کے مرتکب افراد کو قانون کے تحت سخت سے سخت سزا دی جائے۔

اس خوفناک کار بم دھماکے میں اب تک کئی افراد ہلاک اور متعدد خمی ہو ئے ہیں ۔ تمام زخمیوں کو ایمبولینس کے ذریعے لال قلعہ کے قریب لوک نائک جئے پرکاش (ایل این جے پی)اسپتال میں علاج کے لیے منتقل کیا گیا۔ کئی زخمیوں کی نازک کہی جا رہی ہے۔

لال قلعہ کے باہر میٹرو اسٹیشن کے گیٹ نمبر 1 کے قریب اس خوفناک کار بم دھماکے کے بعد پوری دہلی میں ہائی الرٹ جاری کر دیا گیا ہے۔ اس کے علاوہ ممبئی، اتر پردیش اور ہریانہ سمیت کئی ریاستوں میں ہائی الرٹ جاری کر دیا گیا ہے۔دھماکے کی ہر زاویے سے تفتیش کی جا رہی ہے۔