جموں و کشمیر میں لشکر کے مزید ایک ماڈیول کا انکشاف، 6 ملیٹینٹ گرفتار

پولیس کے مطابق ابتدائی جانچ کے دوران پتہ چلا کہ گرفتار ملیٹینٹ رسد فراہم کرنے، پناہ دینے، مالی امداد کا انتظام کرنے اور نوجوانوں کو ہائبرڈ دہشت گردوں کی شکل میں کام کرنے کے لیے ترغیب دینے میں شامل تھے

تصویر آئی اے این ایس
تصویر آئی اے این ایس
user

قومی آوازبیورو

جموں و کشمیر پولیس نے جنوبی کشمیر کے پلوامہ ضلع میں ممنوعہ دہشت گرد تنظیم لشکر طیبہ سے جڑے چھ ملیٹینٹ کے معاونین کو گرفتار کر کے ایک دہشت گردانہ ماڈیول کا انکشاف کرنے کا دعویٰ کیا ہے۔ پولیس نے اس معاملے میں ایف آئی آر درج کر جانچ شروع کر دی ہے۔

افسران نے جمعہ کے روز بتایا کہ گرفتار لوگوں کی شناخت للہار کاکاپورا باشندہ رؤف احمد لون عرف امجد، عاقب مقبول بھٹ باشندہ الوچی باغ پمپور، جاوید احمد ڈار باشندہ لاروے کاکاپورہ، ارشد احمد میر باشندہ پریگام پلوامہ، رمیز راجہ باشندہ پریگام پلوامہ اور سجاد احمد ڈار باشندہ لاروا کاکاپورہ کی شکل میں ہوئی ہے۔ پولیس نے مزید بتایا کہ ’’ابتدائی جانچ کے دوران پتہ چلا ہے کہ یہ گرفتار ملیٹینٹ کے معاونین رسد فراہم کرنے، پناہ دینے، مالی امداد کا انتظام و منتقلی کرنے اور نوجوانوں کو ہائبرڈ دہشت گردوں کی شکل میں کام کرنے کے لیے ترغیب دینے میں شامل تھے۔‘‘


پولیس نے کہا کہ جانچ ٹیم کو یہ بھی پتہ چلا ہے کہ وہ دہشت گرد کمانڈر ریاض احمد ڈار عرف خالد عرف شیراز کے لیے کام کر رہے تھے، جو سیدرگنڈ کاکاپورہ پلوامہ باشندہ دہشت گرد تنظیم لشکر کا تھا اور اس کے ساتھ لگاتار رابطے میں تھا۔ اس کے علاوہ اس کی ہدایت پر ضلع میں دہشت گردانہ سرگرمیاں جاری رکھنے میں اہم کردار نبھایا تھا۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔