ملیشیا میں کورونا وائرس کے مزید 2778 نئے معاملے، 19 مریض فوت

وزارت صحت نے پیر کو یہ اطلاع دی۔ وزارت صحت کی ویب سائٹ پر جاری ہونے والی ریلیز کے مطابق ملک میں آنے والے نئے کیسز میں سے 129 کیسز باہر کے ہیں جبکہ 2649 کیسز مقامی رابطوں کے ہیں۔

کورونا وائرس، تصویر آئی اے این ایس
کورونا وائرس، تصویر آئی اے این ایس
user

یو این آئی

کوالالمپور: ملیشیا میں گزشتہ 24 گھنٹوں میں کورونا وائرس (کووڈ- 19) کے مزید 2,778 نئے کیسز رپورٹ ہوئے ہیں۔ اس کے ساتھ ہی ملک میں کورونا متاثرین کی تعداد بڑھ کر 27,41,179 ہو گئی ہے۔ وزارت صحت نے پیر کو یہ اطلاع دی۔ وزارت صحت کی ویب سائٹ پر جاری ہونے والی ریلیز کے مطابق ملک میں آنے والے نئے کیسز میں سے 129 کیسز باہر کے ہیں جبکہ 2649 کیسز مقامی رابطوں کے ہیں۔

اس دوران 19 مریضوں کی موت سے مرنے والوں کی تعداد بڑھ کر 31,334 ہو گئی ہے۔ اس دوران 3,539 لوگ صحت مند ہو چکے ہیں اور اب تک ملک میں 26,65,030 لوگ کووڈ شفایابی حاصل کرچکے ہیں۔ ملک میں کورونا کے 44,815 ایکٹیو کیسزہیں۔ جن میں سے 306 مریض انتہائی نگہداشت میں ہیں جبکہ 170 مریضوں کو آکسیجن کی ضرورت ہے۔ ملیشیا میں 64,283 افراد کو ٹیکے لگائے گئے جن میں سے 79.5 فیصد آبادی کو کورونا کی پہلی خوراک اور 78.3 فیصد آبادی کو دونوں خوراکیں مل چکی ہیں۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔