انیل دیشمکھ کو دوبارہ ای ڈی کی حراست میں بھیجا گیا
جج جسٹس ایم جے جامدار نے اتوار کو ای ڈی کی طرف سے داخل کی گئی عرضی کے جواب میں ایک حکم جاری کیا، جس میں ہفتے کے روز خصوصی عدالت کے جج پی آر سیترے کے فیصلے کو چیلنج کیا گیا تھا۔
ممبئی: بامبے ہائی کورٹ نے اتوار کے روز مہاراشٹر کے سابق وزیر داخلہ انیل دیشمکھ کو 14 دن کی عدالتی حراست میں بھیجنے کے خصوصی پی ایم ایل اے عدالت کے حکم کو مسترد کرتے ہوئے انہیں پانچ دن کی انفورسمنٹ ڈائریکٹوریٹ (ای ڈی) کی حراست میں بھیج دیا۔
یہ بھی پڑھیں : کیجریوال: ’پہنچی وہیں پہ خاک جہاں کا خمیر تھا‘… ظفر آغا
تعطیلاتی بنچ کے جج جسٹس ایم جے جامدار نے اتوار کو ای ڈی کی طرف سے داخل کی گئی عرضی کے جواب میں ایک حکم جاری کیا، جس میں ہفتے کے روز خصوصی عدالت کے جج پی آر سیترے کے فیصلے کو چیلنج کیا گیا تھا۔ ای ڈی نے خصوصی عدالت کے سامنے دائرعرضی میں انیل دیشمکھ کی حراست میں مزید نو دن کی توسیع کی درخواست کی تھی، جسے عدالت نے مسترد کر دیا۔
یہ بھی پڑھیں : بی جے پی پھر نماز اور قبرستان کی پناہ میں... نواب علی اختر
انیل دیشمکھ کے وکیل سینئر ایڈوکیٹ وکرم چودھری اور انیکیت نکم نے عدالت کو بتایا کہ ای ڈی کی درخواست کی اہلیت اورصداقت جانے بغیر وہ اپنی مرضی سے تعاون کر رہے ہیں۔ انہوں نے جانچ میں مدد کی ہے اور انہیں آگے کی ریمانڈ پر بھی کوئی اعتراض نہیں ہے۔ ای ڈی کے وکیل ایڈیشنل سالیسیٹر جنرل انیل سنگھ اور ایڈوکیٹ شری رام شرسات نے بامبے ہائی کورٹ کو بتایا کہ انہیں خصوصی پی ایم ایل اے عدالت کی طرف سے حراست میں توسیع کی اجازت نہیں دی گئی۔
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔