ایران سے درپیش خطرات سے نمٹنے کے لیے سعودی عرب کی مدد کے پاپند ہیں: امریکی وزیر دفاع

امریکہ وزیر دفاع ایسبر نے کہا کہ ایران کی طرف سے لاحق خطرات سے نمٹنے کے لیے امریکا سعودی عرب کی امداد کا پابند ہے

تصویر العربیہ ڈاٹ نیٹ
تصویر العربیہ ڈاٹ نیٹ

یو این آئی

امریکی وزیر دفاع مارک ایسپر نے ٹویٹر پر اپنے ایک ٹویٹ میں کہا ہے کہ ان کی سعودی ولی عہد شہزادہ محمد بن سلمان کے ساتھ انتہائی نتیجہ خیز ملاقات ہوئی ہے۔ ایسبر نے مزید کہا کہ اس ملاقات میں خطے کو عدم استحکام سے دوچار کرنے کی ایرانی سرگرمیوں پر بات چیت کی گئی۔ ایران کی طرف سے لاحق خطرات سے نمٹنے کے لیے امریکا سعودی عرب کی امداد کا پابند ہے۔

سعودی پریس ایجنسی ’ایس پی اے‘ کے مطابق امریکی وزیر دفاع نے ولی عہد شہزادہ محمد بن سلمان بن عبد العزیز کل منگل کو ان کے دفتر میں ملاقات کی۔

امریکی وزیر دفاع مارک ایسپر اور سعودی ولی عہد شہزادہ محمد بن سلمان ملاقات کے دوران دونوں دوست ممالک کے مابین دوطرفہ تعلقات اور فوجی اور دفاعی پہلو سے متعلق تعاون کے شعبوں کے علاوہ ، متعدد امور بالخصوص علاقائی اور بین الاقوامی واقعات پر ہونے والی پیش رفت اور دونوں ملکوں میں ہم آہنگی کا جائزہ لیا۔

اس سے امریکی وزیر دفاع مارک ایسپر نے خادم الحرمین الشریفین شاہ سلمان بن عبد العزیز آل سعود سے ان کے دفتر میں ملاقات کی تھی۔ اس ملاقات میں بھی دونوں رہ نمائوں نے سعودی امریکا دوستی اور اسٹریٹجک تعاون کے پہلوؤں کا جائزہ لیا۔

(بشکریہ العربیہ ڈاٹ نیٹ)

Published: 23 Oct 2019, 2:02 PM