امرتسر بین الاقوامی ہوائی اڈے سے دو اہم روٹوں پر ایئر انڈیا نے بکنگ بند کی

فلائی امرتسر پہل نے ایئر انڈیا سے گزارش کی ہے کہ 31 اکتوبر کے بعد بھی گرو رام داس جی بین الاقوامی ہوائی اڈے امرتسر سے نانڈیڑ اور اٹلی کے روم کے لئے اپنی راست پروازوں کو جاری رکھے۔

تصویر آئی اے این ایس
تصویر آئی اے این ایس
user

یو این آئی

امرتسر: ایئر انڈیا نے شری گرو رام داس جی بین الاقوامی ہوائی ادے سے ناندیڑ اور اٹلی کے روم کے لئے اپنی راست پروازوں کی بکنگ بند کردی ہے جس سے دو اہم روٹوں پر ایئر انڈیا کی پروازوں کو معطل کرنے کے امکان بڑھ گئے ہیں۔ پیر کو یہاں جاری ایک بیان میں فلائی امرتسر پہل کے عالمی رابطہ کار سمیپ سنگھ گمتالا نے پنجاب کے وزیراعلی چرن جیت سنگھ چنی اور شرومنی گرودوارہ پربندھک کمیٹی کی صدر بی بی جاگیر کور کی توجہ مبذول کرائی اور ان سے وزیراعظم نریندر مودی اور شہری ہوابازی کے وزیر جیوترآدتیہ سندھیا سے اس معاملے پر رابطہ کرنے کی درخواست کی ہے۔ فلائی امرتسر پہل نے ایئر انڈیا کو بھی 31 اکتوبر کے بعد بھی گرو رام داس جی بین الاقوامی ہوائی اڈے امرتسر سے نانڈیڑ اور اٹلی کے روم کے لئے اپنی راست پروازوں کو جاری رکنے کے لئے کہا ہے۔

گمتالا نے 29 اکتوبر سے شروع ہونے والے سردیوں کے موسم کے شیڈول میں ان پروازوں کی بکنگ کی منسوخی کے بارے میں اطلاع دیتے ہوئے کہا کہ مرکزی حکومت کی طرف سے ایئر انڈیا کو ٹاٹا سنز لمیٹڈ کے حوالے کرنے سے پہلے گرو نگری امرتسر کے بین الاقوامی ہوائی اڈے سے گھریلو اور بین الاقوامی فضائی رابطے کو ایک بڑا دھچکا لگ سکتا ہے۔ نومبر کے مہینے سے ایئر انڈیا کی بہت ہی مشہور ناندیڈ-امرتسر براہ راست پرواز کی بکنگ ایئر لائن یا ٹریول ایجنسیوں کی ویب سائٹ پر دستیاب نہیں ہے۔ یہی نہیں، دہلی-امرتسر-روم براہ راست پرواز کی بکنگ، جو ہفتے میں صرف ایک بار چلتی ہے، 30 اکتوبر کے بعد ویب سائٹ پر بھی بند کر دی گئی ہے۔ ایئر انڈیا نے اپنی ویب سائٹ پر دیئے گئے بین الاقوامی پروازوں کے شیڈول میں یہ پرواز 28 اکتوبر کے بعد دستیاب نہیں ہے۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔