انڈیاز گوٹ لیٹینٹ تنازع کے بعد انوبھو سنگھ بَسّی کا لکھنؤ شو منسوخ، پولیس نے کی مداخلت

ملک میں اِن دنوں انڈیاز گوٹ لیٹینٹ شو کے حوالے سے کافی تنازعہ چل رہا ہے۔ شو میں غیر مناسب اور متنازعہ تبصروں کی وجہ سے رنویر الٰہ آبادیا  اور سمئے رینا مشکل میں پھنس چکے ہیں، ان کے خلاف ایف آئی آر بھی درج ہو چکے ہیں۔ متنازعہ شو انڈیاز گوٹ لیٹینٹ معروف کامیڈین انوبھو بسّی بھی آ چکے ہیں۔ جس کی وجہ سئ لکھنؤ میں ہفتہ (15 فروری) کو ہونے والے ان کے شو پر روک لگا دی گئی ہے۔ بسّی کو اسٹینڈ اپ کامیڈی شو کے علاوہ فلم ’تو جھوٹی میں مکّار‘ کی وجہ سے بھی فین جانتے ہیں۔ انوبھو بسّی کا شو لکھنؤ کے گومتی نگر میں اندرا گاندھی پرتشٹھان میں 15 فروری کو دوپہر 3.30 بجے اور شام 7 بجے ہونا تھا۔ اس شو میں پولیس پہنچ گئی اور لکھنؤ ڈیولپمنٹ اتھارٹی نے کامیڈین کو واپس بھیج دیا۔

واضح ہو کہ کامیڈین انوبھو بسّی کے اس شو کے حوالے سے اترپردیش ریاستی خواتین کمیشن کی نائب صدر ارپنا یادو نے ڈی جی پی پرشانت کمار کو ایک خط لکھا تھا۔ انہوں نے خط میں ڈی جے پی سے درخواست کیا تھا کہ وہ یقینی بنائیں کہ ان پروگراموں میں خواتین کی شبیہ خراب نہ ہو یا پھر انہیں مکمل طور پر رد کرنے پر غور کریں۔ 14 فروری کو لکھے گئے خط میں گزشتہ پروگراموں میں غیر مناسب زبان کے استعمال پر روشنی ڈالی گئی تھی اور عوامی پروگراموں میں شائستگی برقرار رکھنے پر زور دیا گیا تھا۔

قابل ذکر ہے کہ اترپردیش ریاستی خواتین کمیشن نے خط میں لکھا کہ ’’معلوم ہوا ہے کہ 15 فروری کو لکھنؤ کے اندرا گاندھی پرتشٹھان میں انوبھو سنگھ بسّی کا کامیڈی شو منعقد کیا جا رہا ہے۔ یوٹیوب چینل پر ان کے گزشتہ شوز کو دیکھنے کے بعد پتہ چلا ہے کہ ان کے شو میں نازیبا الفاظ استعمال کیے جاتے ہیں۔‘‘ علاوہ ازیں انہوں نے لکھا کہ ’’اس لیے آپ سے امید کی جاتی ہے کہ براہ کرم یقینی بنائیں کہ اس مجوزہ پروگرام اور اسٹیند اپ فنکاروں کے اسی طرح کے شوز میں نہ تو کوئی نازیبا الفاظ استعمال کیے جائیں اور نہ ہی خواتین کے حوالے سے کوئی نازیبا تبصرے کیے جائیں۔‘‘ ساتھ ہی انہوں نے لکھا کہ ’’اگر ممکن ہو تو ایسے شو رد کر دیے جائیں اور مستقبل میں ان کی اجازت نہ دی جائے۔‘‘