کورونا وائرس: مدھیہ پردیش میں 5 نئے کیسوں کی تصدیق، اجین سمیت 4 شہروں میں کرفیو نافذ

مدھیہ پردیش کے اجین شہر میں ایک شخص کی کورونا رپورٹ کے مثبت پائے جانے کے بعد بدھ سے یہاں کرفیو نافذ کر دیا گیا ہے۔ اس طرح اب ریاست کے چار اضلاع میں کرفیو نافذ ہے۔ اجین میں ایک خاتون کی کورونا وائرس کی جانچ مثبت پائی گئی ہے۔

وزیر اعظم نریندر مودی کے کورونا وائرس کی روک تھام کے پیش نظر گزشتہ رات سے ہی پورے ملک میں لاک ڈأن کر دیا گیا ہے۔ اس کا اثر مدھیہ پردیش میں بھی نظر آ رہا ہے۔ دریں اثنا ریاست کے جن اضلاع میں کورونا سے متاثرہ مریضوں کی جانچ مثبت پائی جا رہی ہے وہاں کرفیو نافذ کیا جا رہا ہے۔

اس ضمن میں ڈسٹرکٹ مجسٹریٹ ششانک مشرا نے بدھ کے روز ایک خاتون کے نمونوں کی جانچ مثبت پائے جانے پر اجین میں کرفیو کا اطلاق کر دیا گیا۔ ریاست میں کرفیو والے اضلاع کی تعداد اب بڑھ کر چار ہو گئی ہے۔ اجین سے پہلے بھوپال، جبل پور اور گوالیار میں میں کرفیو نافذ کیا جا چکا ہے۔

اجین کی رہائشی 65 سالہ خاتون 22 مارچ سے اسپتال میں داخل ہے۔ کورونا کی علامت ظاہر ہونے پر اس کی رپورٹ جانچ کے لئے بھیجی گئی تھی۔ جانچ کے مثبت پائے جانے پر محکمہ صحت، پی ایچ ای سمیت دیگر محکموں کا عملہ اس کالونی میں جانچ کے لئے پہنچا جہاں خاتوں قیام پزیر تھی۔

ادھر، اندور کے حوالہ سے بھی ایسا ہی فیصلہ آج لیا جا سکتا ہے۔ گزشتہ شب آنے والی رپورٹ میں اندور کے 4 مریضوں میں کورونا وائرس کے انفیکشن کی تصدیق ہوئی ہے، چاروں کا علاج نجی اسپتال میں کیا جا رہا ہے۔ جبکہ اندور کی رہائشی متاثرہ کا علاج ایم وائی اسپتال میں کیا جا رہا ہے۔

واضح رہے کہ مدھیہ پردیش میں اب تک کل 14 افراد کورونا وائرس سے متاثر چکے ہیں۔ ان میں جبل پور کے 6 اور بھوپال، گوالیار و شیوپوری کا ایک ایک مثبت مریض شامل ہے۔