پلوامہ حملہ... ملک کے لیے یومِ سیاہ تھا 14 فروری: ثانیہ مرزا

نئی دہلی: ہندستان کی اسٹار ٹینس کھلاڑی ثانیہ مرزا نے پلوامہ میں سی آر پی ایف جوانوں پر ہوئے دہشت گردانہ حملہ کی سخت مذمت کرتے ہوئے اسے ہندستان کے لئے سیاہ دن قرار دیا ہے۔ ثانیہ نے ایک ٹویٹ کرتے ہوئے کہا ہے کہ میں سی آر پی ایف کے جوانوں اور شہیدوں کے خاندان کے ساتھ ہوں۔ 14 فروری کا دن ہندستان کے لئے سیاہ دن تھا۔ میں دعا کرتی ہوں کہ پھر کبھی ایسا دن نہ آئے۔ اس واقعہ کی جتنی مذمت کی جائے اتنی کم ہے۔

ثانیہ کے اس پوسٹ کے بعد سوشل میڈیا میں کچھ لوگوں نے انہیں جم کر ٹرول کیا۔ اس پر انہوں نے سخت رد عمل کا اظہار کرتے ہوئے کہا کہ شخصیات کو اپنی حب الوطنی ثابت کرنے کے لئے عوامی طور پر تعزیت کا اظہار کرنے کی ضرورت نہیں ہے۔ ثانیہ نے ٹوئٹر پر ایک پوسٹ جاری کرتے ہوئے لکھاکہ ’’یہ پوسٹ ان لوگوں کے لئے ہے جو سوچتے ہیں کہ شخصیات کو اپنی حب الوطنی ثابت کرنے کے لئے ٹویٹرز اور انسٹاگرام پر مذمت کرنی چاہئے۔کچھ لوگ سوشل میڈیا پر لوگوں کو نشانہ بنا کر اپنی مایوسی نکالتے ہیں اور ملک میں نفرت پھیلاتے ہیں۔‘‘

ثانیہ مرزا نے اس کے علاوہ یہ بھی کہاکہ مجھے عوامی طور پر مذمت کرنے کی کوئی ضرورت نہیں ہے اور نہ ہی سوشل میڈیا پر پوسٹ ڈال کر یہ بتانے کی ضرورت ہے کہ ہم دہشت گردی کے خلاف ہیں ۔ بلاشبہ ہم دہشت گردی کے خلاف ہیں اور ہم اس شخص کے بھی خلاف ہیں جو یہ کام کرتا ہے۔ جو صحیح سوچ والا شخص ہے وہ ہمیشہ دہشت گردی کے خلاف ہوگا اور اگر کوئی ایسا نہیں کرتا ہے تو یہ ایک مسئلہ ہے۔

ٹینس سنسنی کے نام سے مشہور ثانیہ مرزا نے کہاکہ میں مانتی ہوں کہ یہ دن بھولا نہیں جا سکتا اور نہ ہی ہمیں بھولنا چاہئے۔ لیکن میں دعا کرتی ہوں کہ امن قائم رہے اور آپ کو بھی نفرت پھیلانے کے بجائے امن کے لئے دعا کرنی چاہئے۔ غصہ ظاہر کرنا اچھی بات ہے لیکن اس سے کچھ مثبت ہوپھر آپ غصہ ظاہر کریں گے تو زیادہ اچھا ہو گا۔ انھوں نے مزید کہاکہ آپ لوگ ٹرول سے کچھ بھی حاصل نہیں کر سکتے۔ اس دنیا میں کہیں بھی دہشت گردی کے لئے کوئی جگہ نہیں ہے اور نہ ہی ہوگی۔ اپنے ملک کے لئے کچھ کریے نا کہ سوشل میڈیا پوسٹس پڑھ کر لوگوں کو پرکھنے کا کام کریں۔ ثانیہ نے کہاکہ آپ اپنا فرض کرو ہمیں سوشل میڈیا پر پوسٹ نہ کر کے بھی اپنا کام کر سکتے ہیں۔ دعا اور امن۔ "واضح رہے کہ ثانیہ کے شوہر شعیب ملک پاکستان کے کرکٹر ہیں۔