ہیٹ مائر بنے راجستھا ن کی جیت کے ہیرو، پنجاب کو 3 وکٹوں سے دی شکست

راجستھان رائلز نے پنجاب کنگز کو شکست دی ۔ سیم کرن کی قیادت میں پنجاب کنگز کو 3 وکٹوں سے شکست کا سامنا کرنا پڑا۔ اس طرح راجستھان رائلز نے سیزن کی اپنی پانچویں جیت درج کی۔ راجستھان رائلز کو جیت کے لیے 148 رنز کا ہدف ملا تھا۔ سنجو سیمسن کی قیادت میں راجستھان رائلز نے سست آغاز کے باوجود ہدف 19.5 اوورز میں 7 وکٹوں کے نقصان پر حاصل کر لیا۔ راجستھان رائلز کی جیت کے ہیرو شمران ہیٹ مائر تھے۔ اس بلے باز نے آخری اوورز میں دھماکہ خیز بلے بازی کا تماشا پیش کیا۔ شمرون ہیٹ مائر 10 گیندوں پر 27 رنز بنانے کے بعد ناٹ آؤٹ لوٹے۔ انہوں نے اپنی اننگز میں 1 چوکا اور 3 چھکے لگائے۔

راجستھان رائلز کے لیے اوپنر یشسوی جیسوال نے 28 گیندوں میں سب سے زیادہ 39 رنز بنائے۔ تنوش کوٹیان نے 31 گیندوں پر 24 رنز بنائے۔ اس ٹیم کے کپتان سنجو سیمسن نے 14 گیندوں پر 18 رنز بنائے۔ وہیں دھرو جریل 11 گیندوں پر 6 رنز بنانے کے بعد ہرشل پٹیل کا شکار بنے۔ آخری اوورز میں  پاول نے 5 گیندوں پر 11 رنز کی اہم اننگز کھیلی۔ تاہم، اس طرح راجستھان رائلز نے سیزن کی اپنی پانچویں جیت درج کی۔ اب راجستھان رائلز کے 6 میچوں میں 10 پوائنٹس ہیں۔ اس وقت سنجو سیمسن کی ٹیم پوائنٹس ٹیبل میں سرفہرست ہے۔

پنجاب کنگز کی جانب سے کگیسو ربادا اور سیم کرن سب سے کامیاب گیند باز رہے۔ ان دونوں گیند بازوں نے 2-2 وکٹیں حاصل کیں۔ اس کے علاوہ ارشدیپ سنگھ، لیام لیونگ اسٹون اور ہرشل پٹیل کو ایک ایک کامیابی ملی۔

پنجاب کنگز کے 6 میچوں میں 4 پوائنٹس ہیں۔ یہ ٹیم پوائنٹس ٹیبل میں آٹھویں نمبر پر ہے۔ تاہم ساتویں نمبر کی ممبئی انڈینس کے پانچ میچوں میں  4 پوائنٹس ہیں اور ہاردک پانڈیا کی ٹیم کا نیٹ رن ریٹ بہتر ہے۔ اس طرح یہ ٹیم ساتویں نمبر پر ہے۔