آئی پی ایل 2020: دنیا کا بہترین ٹورنامنٹ رہا... گنگولی

نئی دہلی: ہندوستانی کرکٹ کنٹرول بورڈ (بی سی سی آئی) کے صدر سوربھ گنگولی نے کہا ہے کہ رواں سال کا آئی پی ایل ایک سپر ہٹ رہا ہے، سوربھ گنگولی نے اسٹار اسپورٹس شو کرکٹ لائیو میں کہا کہ ناقابل یقین اور مجھے کوئی حیرت نہیں ہے۔ ٹورنامنٹ شروع ہونے سے ایک ماہ قبل ہم آئی پی ایل کے آفیشل براڈکاسٹر اسٹار اور دیگر تمام وابستگان سے بات چیت کر رہے تھے کہ آیا ہم اس بار یہ کر پائیں گے، بائیوسیکیور ماحول کا نتیجہ کیا ہوگا اور کیا اس میں کامیاب ہوں گے۔

بی سی سی آئی کے صدر نے کہا کہ لیکن ہم نے اپنے منصوبے کے مطابق آگے بڑھنے کا فیصلہ کیا کیونکہ ہم ہر ایک کی زندگی میں معمول لانا چاہتے ہیں اور کھیل کو واپس کرنا چاہتے ہیں۔ ہمیں موصولہ رائے سے مجھے حیرت نہیں ہے۔ یہ دنیا کا بہترین ٹورنامنٹ ہے، اس بار ہم نے بہت سارے سپر اوورز دیکھے ہیں، حال ہی میں ہم نے ڈبل سپر اوورز بھی دیکھے ہیں، ہم نے شکھر دھون کی بیٹنگ دیکھی، ہم روہت شرما کو دیکھا، ہم نے نوجوان کھلاڑیوں کو شاندار کارکردگی کا مظاہرہ کرتے ہوئے دیکھا اور ہم نے لوکیش کو دیکھا۔ میں نے دیکھا کہ راہل کی پنجاب کی ٹیم ٹیبل میں نچلی پوزیشن سے واپس اوپر آرہی ہے۔

گنگولی نے کہا کہ آپ کو اس بار سب کچھ دیکھنے کو ملا۔ میں شرط لگا سکتا ہوں کہ اس بار آئی پی ایل نہ صرف ریٹنگ کے لحاظ سے بلکہ ٹی وی پر دیکھنے والے لوگوں کے لحاظ سے بھی ایک سپر ہٹ رہا ہے۔