آئی پی ایل 2020: کولکتہ نائٹ رائیڈرز پر ممبئی انڈینز کی 8 وکٹ سے فتح

ممبئی انڈینز کی جانب سے کوئٹن ڈی کاک نے طوفانی پاری کھیلتے ہوئے 44 بالوں میں ناٹ آوٹ 78 رن بنائے، انہوں نے اپنی پاری میں 3 چھکے اور 9 چوکے لگائے۔

تصویر بشکریہ بی سی سی آئی
تصویر بشکریہ بی سی سی آئی
user

یو این آئی

ابوظہبی: متحدہ عرب امارات میں کھیلے جانے والے آئی پی ایل ۔13 کے 32 ویں میچ میں ممبئی انڈینز نے کوئٹن ڈی کاک کے شاندار 78 رنز کی مدد سے کولکتہ نائٹ رائیڈرز کو 8 وکٹوں سے شکست دے دی۔ ممبئی نے 16.5 اوورز میں دو وکٹوں کے نقصان ہر 149 رنز بنائے اور فتح کا ہدف حاصل کرلیا۔

اس سے پہلے کولکتہ نائٹ رائیڈرز کے نئے کپتان ایون مورگن نے جمعہ کو ممبئی انڈینز کے خلاف آئی پی ایل میچ میں ٹاس جیت کر پہلے بیٹنگ کا فیصلہ کیا ہے۔ کولکتہ نائٹ رائیڈرز نے پہلے بیٹنگ کرتے ہوئے 5 وکٹ کے نقصان پر 20 اوور میں 148 رن ہی بنا پائے، کولکتہ نائٹ رائیڈرز کی طرف سے ایون مورگن نے 29 بالوں میں 39 رن بنائے۔ اس کے بعد شبھم گل نے 23 بالوں پر 21 رن بنائے۔ جبکہ کپتانی سے دست بردار ہونے کے باوجود دنیش کارتک 8 بالوں میں صرف 4 ہی رن بنا پائے۔

ممبئی انڈینز کے سامنے کولکتہ نائٹ رائیڈرز نے 148 رنوں کا ہدف رکھا جو انہوں نے با آسانی 16.5 اوور ہی میں 2 وکٹوں کے نقصان پر حاصل کرلیا، ممبئی کی جانب سے کوئٹن ڈی کاک نے طوفانی پاری کھیلتے ہوئے 44 بالوں میں ناٹ آوٹ 78 رن بنائے، انہوں نے 3 چھکے اور 9 چوکے بھی لگائے۔ ممبئی کے کپتان روہت شرما نے 36 بالوں پر 35 رن بنائے، جبکہ راہل چاہر نے 18 رن دے کر 2 وکٹ حاصل کیے۔ ممبئی اور کولکتہ میں اس سیزن کے شروع میں بھی مقابلہ ہوا تھا جس میں کولکتہ کو شکست کا سامنا کرنا پڑا تھا۔

اس میچ کے لئے دونوں ٹیمیں درج ذیل ہیں

کولکتہ: راہل ترپاٹھی ، شبھمن گل ، نتیش رانا ، ایون مورگن (کپتان) ، دنیش کارتک (وکٹ کیپر) ، آندرے رسل ، کرس گرین ، پیٹ کمنس ، شیوم ماوی ، ورون چکرورتی ، پرسدھ کرشنا۔

ممبئی: روہت شرما (کپتان) ، کوئنٹن ڈی کوک (وکٹ کیپر) ، سوریہ کمار یادو ، ایشان کشن ، ہاردک پانڈیا ، کیرون پولارڈ ، کرونل پانڈیا ، راہل چاہر ، ٹرینٹ بولٹ ، ناتھن کولٹر نائل اور جسپریت بمراہ

next