’مہنگائی اور بے روزگاری کی صورتحال بہت خوفناک‘، انٹرویو میں سندیپ دکشت کا اظہار خیال

دونوں ہی باتیں غلط ہیں۔ یہ ایک سیاسی لڑائی ہے اور اس کو صرف اسی طرح دیکھنا چاہئے۔

ایسا نہیں ہے کہ میں صرف اپنی والدہ کے کاموں کو پیش کر رہا ہوں، میں تو کانگریس کے کاموں کو پیش کر رہا ہوں۔ لوگوں کے حافظے میں میری والدہ شیلا دکشت جی کی جو تصویر ہے، لوگ اس کا ذکر کر دیتے ہیں جس سے ان کے ذریعہ کئے گئے کام کی یاد تازہ ہو جاتی ہے۔ سچ تو یہی ہے کہ میری والدہ نے جو بھی کام کیے، وہ حقیقی معنوں میں کانگریس کے ہی کام تھے۔

ان کا نام لینا کانگریس کے حق میں جا رہا ہے۔

اس میں کوئی صداقت نہیں ہے۔ یہ بالکل واضح ہے کہ عام آدمی پارٹی سے ہم زیادہ ووٹ کھینچیں گے، لیکن یہ بھی حقیقت ہے کہ کانگریس بی جے پی سے بھی بہت ووٹ کھینچ رہی ہے۔ بی جے پی کے ووٹروں کی ایک بڑی تعداد ہے جو ترقی کے لئے ووٹ کرتا ہے اور وہ کانگریس کے لئے ووٹ کرے گا۔ یہ ووٹرس عام آدمی پارٹی سے ناراض ہیں اور وہ بی جے پی کو اس لئے ووٹ کرتے تھے کیونکہ ان کو لگتا تھا کہ عام آدمی پارٹی ترقی کو لے کر زیادہ سنجیدہ نہیں ہے۔ آج جب اسے لگ رہا ہے کہ کانگریس بہت اچھے طریقے سے انتخابات لڑ رہی ہے، تو وہ کانگریس کے حق میں ووٹ دے گا۔ دوسری بات یہ ہے کہ جب عام آدمی پارٹی دہلی میں انتخابات لڑی تھی تو لوگوں نے اس سے تو نہیں پوچھا کہ وہ کانگریس کے ووٹ کیوں کاٹ رہی ہے۔ اس لئے ایسا نہیں ہے کہ یہ لوگوں کا سوال ہے، بلکہ دہلی میں برسر اقتدار جماعت عام آدمی پارٹی نے اقتدار میں رہنے کے لئے یہ سوال پیدا کیا ہوا ہے۔ یہ کانگریس کا حق ہے کہ وہ بھی انتخابی میدان میں اترے اور ووٹ مانگے۔ دہلی میں عام آدمی پارٹی نے بیڑہ غرق کر دیا اور ہم کانگریس کو اس کا جائز حق دلانے کی کوشش کر رہے ہیں۔ ہم کیسے ایسی پارٹی کو جیتنے دیں جس نے دہلی کے عوام کے لئے کچھ کیا ہی نہیں۔

اس کی یہ غلطی نہیں تھی کیونکہ وہ (کیجریوال) ان چیزوں میں یقین ہی نہیں کرتا۔ اس کے لئے مسلمان صرف ایک ووٹر ہیں اور اسے معلوم ہے کے مجبوری میں وہ اسے ووٹ دیں گے۔ جب اس کو ضرورت پڑتی ہے تو چھوٹا موٹا ڈراما کر دیتا ہے کہ بی جے پی جیت جائے گی۔ عام آدمی پارٹی دہلی میں اقتدار میں نہیں آئی اور یہاں پولیس یا جانچ ایجنسیاں ان کے ماتحت نہیں ہیں، اس لئے وہ ایک محفوظ زون میں کھیل رہی ہے۔ میرے حساب سے تو یہ بی جے پی سے ایک فیصد بھی کم فرقہ پرست نہیں ہیں، اور یہ جب چاہیں گے مذہب کا استعمال کر لیں گے اور یہ کبھی بھی سچے سیکولر نہیں ہو سکتے، کیونکہ سچا سیکولرزم مذہب سے دوری نہیں ہے بلکہ ’سرو دھرم سمبھاؤ‘ ہے۔ یعنی سب کے لئے برابری۔ اگر ہم دیوالی، نوراتری مناتے ہیں اور مندر جاتے ہیں تو ہم عید بھی مناتے ہیں اور درگاہ بھی جاتے ہیں۔ آپ نے کبھی ان کو پھول والوں کی سیر میں جاتے نہیں  دیکھا ہوگا۔ یہ (کیجریوال) ہر چیز کو سیاست سے کیلکولیٹ کرتا ہے۔

ایک تو یہ کہ انہوں (کیجریوال) نے کام نہیں کیا نئی دہلی اسمبلی حلقہ میں، کیونکہ کیجریوال اپنے حلقہ میں رکن اسمبلی کے طور پر پوری طرح ناکام رہے۔ میں تو ان کو ناکارہ رکن اسمبلی مانتا ہوں۔ اگر زمین پر جائیں تو لوگوں میں بہت مایوسی ہے، کیونکہ انہوں نے کچھ بھی کام نہیں کیا اور اس بات کو ہم نہیں اٹھاتے بلکہ ووٹرس ہی اٹھاتے ہیں۔ دو چیزیں سب سے زیادہ عوام سے سننے کو مل رہی ہیں۔ ایک تو مہنگائی ہے، اور دوسری چیز بے روزگاری۔ کانگریس جب اقتدار میں تھی تو اس وقت ایم سی ڈی سے عارضی کام کرنے والے ملتے تھے۔ جن کا انتقال ہو جاتا تھا ان کی جگہ اہل خانہ کو نوکری ملتی تھی۔ کبھی کاروبار میں، کبھی صنعت میں روزگار ملتے تھے اور غریبوں کو مکان ملتے تھے۔ روزگار کو لے کر بہت سے لوگ پریشان ہیں، زیادہ تر گھروں میں ایک یا دو لوگ بے روزگار پڑے ہیں، بشمول تعلیم یافتہ گھرانوں کے۔ یہ صورتحال بہت خوفناک ہے۔ بے روزگاری ایک بہت بڑا خطرہ بن کر سامنے آ رہا ہے۔ ان خاندانوں کو یہ لگتا ہے کہ اگر کوئی سیاسی پارٹی کوشش کرتی تھی تو وہ کانگریس پارٹی ہی تھی۔ اسی لئے وہ کانگریس کی بات کرتے ہیں اور ان کو بھروسہ ہے کہ کانگریس ہی ان کو روزگار دے سکتی ہے۔ اس لئے یہ بات بھی ہم بار بار بتا رہے ہیں کہ کانگریس ان کی کیسے کیسے مدد کر سکتی ہے۔ دہلی کے عوام کو یہ محسوس ہو رہا ہے کہ دہلی میں کوئی ترقیاتی کام نہیں ہوا، اسی لئے وہ کہہ رہے ہیں کہ دہلی میں کچھ کام نہیں ہوا۔ یہاں تک کہ رنگ روغن بھی یہ شخص نہیں کروا پایا۔ ان کو لگتا ہے کہ اگر دہلی میں کانگریس حکومت آتی ہے تو بہت کچھ کام ہو سکتا ہے۔ نئی  دہلی کے لوگ مہنگائی اور بے روزگاری کے لئے دونوں، یعنی عام آدمی پارٹی اور بی جے پی کو برابر کا ذمہ دار مانتے ہیں۔ دہلی کے عوام تبدیلی چاہتے ہیں کیونکہ دہلی کی حالت پہلے سے بھی خراب ہو گئی ہے۔

2013 میں اتحاد کرنا غلطی تھی، لیکن 2024 میں مجھے نہیں لگتا کہ بہت زیادہ ہمارے پاس متبادل تھے اور 2024 کے انڈیا اتحاد کو اگر تسلیم کیا جائے تو اس کا اثر بھی پڑا اور بی جے پی کی بہت سیٹیں کم ہوئیں اور سب کو لگا کہ حزب اختلاف متحد ہو کر لڑ رہا ہے۔ اسی لئے عوام نے اس کی حمایت کی۔ اس میں بھی کوئی دو رائے نہیں کہ اگر تھوڑا اور وقت مل گیا ہوتا یا اتحاد کی کوششیں تھوڑی زیادہ رہتیں تو ممکن ہے کہ بی جے پی کی 30 سے 40 نشستیں مزید کم ہو سکتی تھیں۔ 2024 میں جو بھی اتحاد ہوا اس کا بہت فائدہ ہوا، لیکن جب دہلی پر آتے ہیں تو 2013 میں اتحاد کرنا ایک بہت بڑی غلطی تھی، اور 2013 میں جو کانگریس نے حمایت دی اس وقت بھی مجھے نہیں لگتا ہمارے پاس زیادہ متبادل تھے، کیونکہ اس وقت ہمارے اراکین اسمبلی کہہ رہے تھے کہ دوبارہ گر انتخابات ہوتے ہیں تو وہ ہار جائیں گے، اس لئے اس وقت بھی ہمارے پاس زیادہ متبادل نہیں تھے، لیکن وہ اتحاد کرنا ایک بہت بڑی غلطی ثابت ہوئی۔

ویسے تو کئی ہیں، لیکن فضائی آلودگی اور پانی کی آلودگی کو ختم کرنا ہماری ترجیحات میں سے ہے۔ ایسا اس لیے کیونکہ اس پر بالکل کام نہیں ہوا اور اس کا ایک روڈ میپ ہمارے پاس ہے۔ اس کے علاوہ ہمیں بے روزگاری دور کرنے کے  لئے کام کرنا ہے۔ دہلی میں سروس کی صنعت ہے اور اگر حکومت دہلی میں انفراسٹرکچر کو بنائے گی تو اس سے بے روزگاری بھی دور ہوگی اور دہلی ایک سروس ہب بھی  بن جائے گا۔ یہ دو تین چیزیں ہماری ترجیحات میں سے ہیں اور یہاں کے عوام چاہتے ہیں کہ ان کو وہی دہلی چاہئے جس میں ترقیاتی کام ہوتے تھے۔ عوام چاہ رہے کہ پھر سے وہ پارٹی اقتدار میں آئے جس کے اقتدار میں دہلی نے چو طرفہ ترقی کی اور جو کسی سے نہ لڑے۔

پہلی چیز تو یہ ہے کہ کام کرنے کی کوشش کرو۔ مجھے نہیں لگتا کہ کیجریوال نے کام کرنے کی کوشش بھی کی۔ شیلا جی کے بھی ایل جی سے اختلافات ہوتے تھے، چاہے وہ کانگریس کے ذریعہ ایل جی تیعنات کئے گئے ہوں۔ لیکن اس کا یہ مطلب نہیں کہ کام نہیں ہوتا تھا۔ کیجریوال کے تو سب سے اختلافات ہیں۔ آپ کو کام کرانا آنا چاہئے، آپ کو اٹھ کر کام کرانے جانا چاہئے، اور جو شخص اپنے اراکین اسمبلی سے نہیں ملتا وہ کسی سے کیا کام کرائے گا۔ یہ ہو نہیں سکتا کہ ہر ایل جی غلط تھا، ہر پولیس کمشنر خراب ہے، ہر چیف سکریٹری غلط ہے۔ ان کی تو کسی سے بنتی نہیں۔ نہ کسی ایل جی سے، نہ کسی چیف سکریٹری سے، نہ کسی پولیس کمشنر سے اور نہ کسی آئی اے ایس افسر سے۔ سوال سب سے بڑا یہ ہے کہ ان کو پسند کون ہے؟ سب سے تو وہ جھگڑا کرتے ہیں۔ اگر آپ (کیجریوال) افسر کے منہ پر فائلیں پھینک دیں گے تو وہ آپ کے لئے کام نہیں کرے گا، کیونکہ وہ سرکار کا ملازم ہے، آپ کا ذاتی ملازم نہیں۔