’اسے بہار پر تھوپی گئی ووٹر لسٹ کہنا بہتر ہوگا‘، بہار کی سیاست پر دیپانکر بھٹاچاریہ سے ایک اہم گفتگو

دیپانکر بھٹاچاریہ: لوگ اکثر بایاں محاذ کا اندازہ محض انتخابی نتائج کی بنیاد پر کرتے ہیں، لیکن یہ ایک تنگ نظری ہے۔ بہار میں ہماری انتخابی کارکردگی ہمیشہ سے ہی قابل ذکر نہیں رہی۔ 25 سال سے بھی زیادہ وقت سے ہم زمینی سطح پر بہت محنت کر رہے ہیں۔ لگاتار ایسی تحریک چلا رہے ہیں جن پر اکثر توجہ نہیں دی جاتی۔ مغربی بنگال، جہاں بایاں محاذ کے پاس کوئی رکن اسمبلی نہیں ہے، وہاں سنگور اور نندی گرام جیسے معاملے ٹھیک سے نہ سنبھال پانے جیسی غلطیوں کے سبب بحران پیدا ہوا۔ سی پی ایم اتنی ضدی نہ ہوتی تو حالات شاید کچھ الگ ہوتے۔ سچ تو یہی ہے کہ بایاں محاذ ہی ہے جو اقتدار کے سامنے سچ بولتا ہے، عوام کے ساتھ کھڑا ہوتا ہے اور تقسیم یا نفرت کے خلاف لڑتا ہے۔ آج کے ماحول میں تو میں کہوں گا کہ بایاں محاذ پہلے سے کہیں زیادہ اہم ہے۔ اگر ہم جمہوریت کی اس جنگ کی قیادت کر سکیں، تو ہمارا مستقبل روشن ہے۔

نتیش کمار کی پالا بدلنے کی تاریخ سبھی کو معلوم ہے۔ ہماری توجہ بی جے پی کی تخریب کاری اور پالیسیوں کو چیلنج دینے کے لیے انڈیا اتحاد کو مضبوط بنانے پر ہے۔ آر جے ڈی، کانگریس اور دیگر پارٹیوں کے ساتھ ہمارے اتحاد کا مقصد انصاف اور مساوات جیسے ایشوز پر لوگوں کو متحد کرنا اور بی جے پی کے ایجنڈے کا مقابلہ کرنا ہے۔

نتیش کمار کی پالیسیاں غیر موافق ہیں۔ یہ نتیش ہی تھے جنھوں نے شراب بندی سے پہلے ہر گاؤں اور پنچایت میں شراب کی دکانیں کھلوائیں۔ اُس وقت ریونیو حاصل کرنا مقصد تھا، اور جس کے پیچھے ان کی سوچ تھی کہ لڑکیوں کے لیے سائیکل جیسے فلاحی منصوبے کا پیسہ یہیں سے نکالیں گے۔ جب اس کا الٹا اثر ہوتے دیکھا تب وہ شراب بندی کے پیروکار بن گئے۔

ذات پات پورے ہندوستان میں ہی سیاست کو متاثر کرتی ہے، لیکن بہار میں اسے عام طور پر ایک بڑی خاصیت کی شکل میں دیکھا جاتا ہے۔ کچھ لوگوں کو لگتا ہے کہ ذاتیں مستحکم رہتی ہیں، لیکن یہ لگاتار ترقی پذیر رہتی ہیں۔ مثلاً 1999 میں نونیا ذات (ایک انتہائی پسماندہ ذات) سے آنے والے ہمارے ساتھی رامیشور پرساد نے آرہ میں جیت حاصل کی، جبکہ وہ اثردار ذاتوں کا قلعہ رہا ہے۔ اس سے پتہ چلا کہ انتہائی پسماندہ ذاتیں بھی اپنی جگہ بنا سکتی ہیں۔ ذات پر م بنی فارمولے وقت کے ساتھ بدلتے رہتے ہیں، اور ہماری پارٹی ذات پر مبنی تقسیم کو کھاد پانی دینے کی جگہ سماجی انصاف اور مساوات جیسے وسیع ایشوز کے لیے لڑنے کے مقصد سے سبھی ذات کے لوگوں کو متحد کرنے پر توجہ مرکوز کرتی ہے۔

ہم چاہتے ہیں کہ مسلمان ہماری تحریک میں فعال لیڈر اور یکساں حصہ دار بنیں، ٹھیک اسی طرح جیسے وہ ہندوستان کی جنگ آزادی کے دوران شریک تھے۔ مسلمانوں نے اپنے حق رائے دہی پر منڈلاتے خطرے کو پہلے ہی سمجھ لیا تھا، اب دوسرے لوگ بھی اسے سمجھ رہے ہیں۔ ہمارا ہدف اپنی پارٹی میں نہ صرف ووٹرس، بلکہ یکساں فریق کی شکل میں بھی مسلمانوں کی شراکت داری بڑھانا ہے۔ جہاں تک مجلس اتحادالمسلمین کی بات ہے، انڈیا بلاک میں ان کا آنا یا نہ آنا بلاک میں ہونے والے وسیع تبادلہ خیال پر منحصر ہوگا، لیکن ہماری توجہ سبھی طبقات کی مجموعی شراکت داری پر ہے۔

2020 میں ہم نے 19 سیٹوں پر انتخاب لڑا اور 12 پر جیت حاصل کی۔ بہار میں 38 اضلاع ہیں، اور تقریباً 25 میں ہماری مضبوط بنیاد ہے۔ ان اضلاع میں طویل وقت سے تنظیم فعال ہے۔ ہماری حکمت عملی ان مقامات پر امیدوار اتارنے کی ہے جہاں اس سے انڈیا بلاک مضبوط ہو۔ 2020 اور 2024 میں، ہم نے جن علاقوں میں انتخاب لڑا، وہاں آر جے ڈی اور کانگریس کی بھی اچھی کارکردگی رہی۔ شمال، جنوب، کوسی اور متھلا علاقوں کو احاطہ کرتے ہوئے 24 اضلاع میں انتخاب لڑ کر، ہمارا ہدف اتحاد کی مجموعی کامیابی کو مضبوطی دینا ہے۔ شروع میں تو ہم نے 50 سیٹوں کے بارے میں سوچا تھا، لیکن اتحاد کی سرگرمی کے ساتھ اپنے اہداف میں توازن بنائے رکھنے کے لیے بات چیت کے بعد 40 سیٹوں پر اتفاق قائم ہوا۔

بہار احتجاج کرے گا۔ ہم 1980 کی دہائی سے ہی انتخابات پر جاگیردارانہ تسلط (کنٹرول) کو چیلنج پیش کرتے آ رہے ہیں۔ پہلے لوگوں کو ووٹ دینے سے روکا جاتا تھا، بھلے ہی ان کا نام ووٹر لسٹ میں ہو۔ اب یہ ہیرا پھیری سیدھے ووٹر لسٹ کو نشانہ بناتی ہے۔ مہاراشٹر میں لوگ نقصان ہونے کے بعد سمجھ پائے اور اپنا رد عمل ظاہر کیا، لیکن بہار میں لوگ 25 جون (جب ایس آئی آر شروع ہوا) سے ہی گاؤں اور شہروں میں احتجاجی مظاہرہ کر رہے ہیں۔ اگست میں ’انتخابی چوری‘ کے خلاف ایک تحریک کا منصوبہ تیار ہے، جس میں ووٹر لسٹ میں ہیرا پھیری کرنے والوں کو نشان زد کیا جائے گا۔ بہار خاموش نہیں بیٹھے گا۔

(یہ ویڈیو انٹرویو سے تیار مواد ہے جو یوٹیوب Paranjoy Online (پرنجوئے آن لائن) پر دستیاب ہے۔‘