مسلم پناہ گزین حکومت کے نشانہ پر: کولن گونسالوس

کولن:مدعا یہ  ہے کہ پناہ گزین کوئی غیر قانونی تارکین وطن نہیں ہیں۔ تارکین وطن دو طرح کے ہوتے ہیں۔ ایک وہ جو اقتصادی تنگی کی وجہ سے نقل مکانی کرتے ہیں ، مثلاً وہ لوگ جو بنگلہ دیش سے نقل مکانی کر کے ہندوستان آئے ہیں۔دوسرے وہ جو ظلم و ستم کا شکار ہونے کے بعد جان بچاکر دوسرے ممالک کا رخ کرتے ہیں۔ وہ لوگ حقیقی طور پر پناہ کےحق دار ہیں۔ یہ دو بالکل مختلف چیزیں ہیں۔ ہندوستان کا آئین غیر شہریوں کو بھی آرٹیکل 21 کے تحت حفاظت فراہم کرتا ہے، جس کے مطابق کو ئی بھی شخص ،چاہے وہ ہندوستان کا شہری ہو یا نہ ہو اسے زندگی جینےکا حق حاصل ہے۔ اس آرٹیکل کے مطابق ملک میں آنے والے ہر ایک غیر ملکی شخص کی سلامتی کو یقینی بنانا ریاست کا فرض ہے۔

غیر ملکی شہریوں کے حق زندگی کو آرٹیکل 21 میں شامل کیا گیا ہے، جیسا کہ ریاست اروناچل پردیش بنام قومی انسانی حقوق کمیشن کے معاملہ میں بھی مانا گیا ہے ۔ دہلی ہائی کورٹ، کیرالہ ہائی کورٹ، گجرات ہائی کورٹ اور گوہاٹی ہائی کورٹ سبھی نے اس بات کو مانا ہے۔اسی لئے میرا کہنا ہے کہ مرکزی حکومت کا روہنگیا مسلمانوں کو غیر قانونی تارکین وطن قرار دینا اور انہیں واپس بھیجنا آئین کے آرٹیکل 21 کی رو سے سراسر غلط ہے۔ حکومت کا کہنا ہے کہ وہ دہشت گرد ہیں اور ان سے ملک کی سلامتی کو خطرہ پیدا ہو گیا ہے، تو میرا کہنا ہے کہ آپ کو کسی بھی کمیونٹی کو ایک ہی نظر سے نہیں دیکھنا چاہئے۔ اگر آپ کو محسوس ہوتا ہے کہ ان میں دہشت گرد موجود ہیں تو ان افرادکے خلاف کارروائی کا آغاز کریں ،  ایف آئی درج کریں اور تحقیقات کرائیں۔ مرکزی حکومت کو ان لوگوں کے لئے کوئی مزید بہتر اقدام پر عمل کر سکتی ہے۔ ساتھ ہی بین الاقوامی قوانین کے مطابق کوئی بھی تارکین وطن اگر عصمت دری، قتل اور ظلم و زیادتی سے خوفزدہ ہوکر کسی ملک سے نقل مکانی کر کے آتا ہے تو اسے اسی جگہ واپس نہیں بھیجا جا سکتا۔ روہنگیا مسلمانوں کو واپس بھیجا جانا انہیں موت کے منہ میں دھکیلنے کے مترادف ہے۔

کولن۔ پناہ گزینوں کو ان کے وطن واپس بھیجنے کے حوالے سے ہندوستان کافی روادار ملک رہا ہے۔ تاہم کئی ایسے واقعات پیش آئے ہیں جب ذیلی عدالتوں نے پناہ گزینوں کو ان کےملک واپس منتقل کیا جہاں سے وہ آئے تھے۔ حالانکہ ایسے کئی فیصلوں کو اعلیٰ عدالتوں نے پلٹا بھی ہے  حالانکہ ہر ایک پناہ گزین اعلی عدالتوں تک رجوع کر پانے کے قابل بھی تو نہیں ہوتا۔

کولن۔ تکنیکی طور پر دیکھیں تو ہاں ،یہ ممکن ہے۔ عدالت جب تک اس معاملہ میں اسٹے آرڈر جاری نہ کر دے ،تب تک حکومت چاہے تو روہنگیا مسلمانوں کو واپس بھیجنے کے فیصلہ پر عمل کر سکتی ہے۔