دلت رہنما سے بات کرنے کے لئے وزیر اعظم کے پاس وقت نہیں!

تھاورچند گہلوت کو اپنا کام کرنے دو ،میں تو وزیر اعظم سے ملاقات کی کوشش کر رہا ہوں کیونکہ اس معاملہ میں اعلیٰ قیادت کی مداخلت کی ضرورت ہے۔

دلتوں کے خلاف تعصب اور مظالم کا تعلق حکومت سے کم اور سماج سے زیادہ ہے۔ سماجی اصلاحات کی ضرورت ہے اور سماج میں اصلاحات کے تعلق سے کوئی کام نہیں ہوا۔

میں سیاسی طور پر بی جے پی سے جڑا ہوا ہوں ،نظریاتی طور پر نہیں ۔ سماجی، نظریاتی اور مذہبی تعلق ضروری نہیں کہ پارٹی میں بھی کام کریں۔ میں بودھ ہوں اور بودھ مذہب میں یقین رکھتا ہوں اور پارٹی کے مذہبی عقائد الگ ہیں اس لئے یہ پہلا بڑا فرق ہے ۔ ان کے مذہبی عقائد میرے عقائد سے مختلف ہیں ۔ میں ذات پات کے نظام کو ختم کرنا چاہتا ہوں لیکن وہ نہیں چاہتے۔

جہاں تک نظریاتی اختلافات کا تعلق ہے تو میں آپ کو بتا دوں کہ میرے اورمیری پارٹی کے ساتھ نظریاتی اختلافات ہیں۔ میں بی جے پی میں اس شرط پر شامل ہوا تھا کہ دلتوں کو میڈیا، تعلیم اور سرکاری ملازمتوں میں زیادہ حصہ داری ملے۔

بالکل ، میں آپ سے پوری طرح اتفاق کرتا ہوں۔یہ کہنا غلط ہے کہ روہت کمیونسٹ تھا اس لئے وہ اے بی وی پی کی مخالفت کرتا تھا۔ اس کی خودکشی کی بنیادی وجہ ذات پات کا تعصب تھا۔ اے بی وی پی کو اس معاملے میں نہ تو کلین چٹ دی جا سکتی نہ ہی بری کیا جا سکتا ۔ میں پہلے ہی کہہ چکا ہوں کہ اس معاملہ کی صحیح طرح جانچ ہو۔

میری پارٹی کی حکومت کو فوراً اس تعلق سے عدالت میں ایک نظر ثانی کی پٹیشن داخل کرنی چاہئے۔ اگر ایسا نہیں ہوا تو حکومت کو پارلیمنٹ میں بل پاس کرنے کی ضرورت ہے۔ ایس سی ۔ ایس ٹی (پریوینشن آف ایٹروسٹیز) ایکٹ کو کمزور کرنے کی کسی بھی کوشش کو کسی بھی حالت میں قبول نہیں کیا جائے گا۔ میں ان کو یہ بتانا چاہوں گا کہ عدالت نے عصمت دری اور جہیز مخا لف ایکٹ میں ایسا فیصلہ کیوں نہیں لیا۔ سماج کے کمزور طبقات پر ہونے والے مظالم سے حفاظت کی ذمہ داری آئین میں درج ہے لیکن افسوس ہے کہ اس کو بھی تحلیل کیا جا رہا ہے۔ سپریم کورٹ کے حالیہ فیصلے کے بعد یہ قانون عام قوانین سے بھی کمزور ہو گیا ہے۔

میں آر ایس ایس کے بارے میں کچھ نہیں کہنا چاہتا ۔ ان کے نظریات کے بارے میں ان سے پوچھیں میں ان کا ترجمان نہیں ہوں۔

اتر پردیش ہمارے لئے مشکل ریاست ہو گی ۔ اس میں کوئی شک نہیں ہے کہ اگر ایس پی ۔بی ایس پی ایک ساتھ آ جاتے ہیں تو وہ مضبوط ہو جائیں گے ۔ ہمیں نئی حکمت عملی تیار کرنی ہوگی۔ ہمیں دلتوں اور پسماندہ ذاتوں کا دل جیتنا ہوگا۔ ہمیں ان کو پارٹی میں واپس لانا ہوگا ۔ پارٹی اس پر غور کرے گی اور اگر انہوں نے مجھے بلایا تو میں اپنی رائے دوں گا۔ ابھی تک تو ایسی کسی بھی بات کرنے کے لئے مجھے مدعو نہیں کیا گیا۔