سعودی عرب میں محمد بن سلمان سے زیلنسکی کی ملاقات، امن معاہدے کو لے کر ہونے والی میٹنگ پر سبھی کی نظریں

یوکرین کے صدر ولادیمیر زیلنسکی سعودی عرب پہنچ چکے ہیں۔ یہاں انہوں نے ولی عہد محمد بن سلمان سے ملاقات کی۔ وہائٹ ہاؤس میں امریکی صدر ڈونالڈ ٹرمپ کے بعد تیکھی بحث کے بعد زیلنسکی کا سعودی عرب دورہ کافی اہمیت کا حامل ہے۔ روس اور یوکرین جنگ کو لے کر امن معاہدہ پر یہاں بات چیت ہوگی۔ زیلنسکی اور سعودی عرب کے ولی عہد کے درمیان یہ ملاقات امن معاہدے کے لیے یوکرین کے افسروں اور سعرودی عرب-امریکی نمائندگان کے درمیان آج ہونے والی میٹنگ سے پہلے ہوئی۔

محمد بن سلمان سے ملاقات کرنے کے بعد زیلنسکی نے کہا کہ سعودی عرب کے ولی عہد سے ملاقات خوشگوار رہی۔ عالمی معاملوں اور یوکرین کی حمایت کرنے کے لیے ان کے سنجیدہ رخ کے ہم شکر گزار ہیں۔ ہم نے دوطرفہ تعلقات سے لے کر آپسی تعاون بڑھانے تک کئی معاملوں پر بات چیت کی۔ میں مانتا ہوں کہ ولی عہد کی کوششوں کی وجہ سے حقیقی طور پر شانتی آ سکے گی۔ سعودی عرب ڈپلومیسی کا اہم پلیٹ فارم ہے اور ہم اس کی ستائش کرتے ہیں۔

یوکرین کا نمائندہ وفد امریکہ کے ساتھ منگل کو ہونے والی اہم میٹنگ کے لیے جدہ میں رہے گا اور ہمیں اس سے اہم نتیجے ملنے کی امید ہے۔ اس بات چیت میں یوکرین کی حالت پوری طرح سے فیصلہ کن رہے گی۔ زیلنسکی نے کہا کہ یہ جنگ ختم کرنے اور طویل مدتی امن لانے کے لیے ہماری سعودی ولی عہد کے ساتھ تفصیلی بات چیت ہوئی۔

واضح رہے کہ جدہ میں ہونے والی میٹنگ کے لیے امریکہ کے وزیر خارجہ مارکو روبیو بھی سعودی عرب پہنچ گئے ہیں۔ انہوں نے بھی ولی عہد محمد بن سلمان سے ملاقات کرکے کہا ہے کہ یہ واضح کرنا ضروری ہے کہ یوکرین کی منشا کیا ہے تاکہ روس کے ساتھ امن قائم ہو سکے۔