ایلون مسک اور آلٹ مین کے درمیان زبانی جنگ، 'اوپن اے آئی' اور 'ایکس' کی خریداری کی پیشکشیں

ڈونالڈ ٹرمپ اور ایلون مسک دو ایسی شخصیتیں ہیں جنہوں نے اپنے فیصلوں اور اعلانات سے اس وقت دنیا بھر میں ہلچل پیدا کر رکھی ہے۔ اب ایک اور نئی زبانی جنگ شروع ہو گئی ہے۔ اسپیس ایکس اور 'ایکس' جسیی کمپنیوں کے مالک اور دنیا کے امیر ترین انسان ایلون مسک نے چیٹ جی پی ٹی میکر اوپن اے آئی کو خریدنے کی بات کہہ دی ہے۔ مسک نے پلیٹ فارم کو خریدنے کے لیے 97٫4 بلین ڈالر دینے کا اعلان بھی کر دیا ہے۔ یہ پیشکش مسک کے وکیل مارک ٹوبے راف کے توسط سے پیر کو اوپن اے آئی کے بورڈ کے سامنے رکھی گئی۔

اس آفر پر اوپن اے آئی کے سی ای او سیم آلٹ مَین نے بھی زبردست رد عمل ظاہر کیا ہے۔ انہوں نے بھی ایلون مسک کو ایک ڈیل آفر کر دی، جس سے دونوں کے درمیان پھر سے تیکھی نوک جھونک شروع ہو گئی ہے۔

'دی وال اسٹریٹ جرنل' کے مطابق ایلون مسک 97.4 بلین ڈالر کی رقم ادا کرکے اوپن اے آئی کو خریدنا چاہتے ہیں۔ ان کی طرف سے اوپن اے آئی بورڈ کے سامنے یہ پیشکش کی گئی ہے۔ مسک کے انویسٹمنٹ گروپ کی طرف سے چیٹ جی پیٹی میکر کو آفیشیلی یہ آفر دیا گیا۔ حالانکہ اوپن اے آئی نے اس آفر کو یکسر خارج کر دیا۔

سیم آلٹ مین نے مسک کے آفر کو خارج کرتے ہوئے سوشل میڈیا پلیٹ فارم 'ایکس' پر کہا، "نہیں، شکریہ، لیکن اگر آپ چاہیں تو ہم ایکس (سابق ٹوئٹر) کو 9.74 بلین ڈالر میں خرید لیں گے۔"

آلٹ مین کے جواب میں مسک نے پھر رد عمل ظاہر کیا۔ انہوں نے آلٹ مین کو دھوکہ باز بتایا اور اسے 'اسکیم آلٹ مین' کا نام دیا۔ رپورٹ کے مطابق مسک کے اس آفر کا ایکس اے آئی کے ساتھ ساتھ ویلور ایکویٹی پارٹنرس، بیرن کیپٹل، ایٹ رائڈس مینجمنٹ، وی کیپٹل اور انڈیور کے سی ای او ایری ایمانوئل سمیت کئی سرمایہ کار حمایت کر رہے ہیں۔

واضح ہو کہ مسک اوپن اے آئی کے فاؤنڈنگ ممبر رہے ہیں۔ مسک نے 2015 میں آلٹ مَین کے ساتھ مل کر اوپن اے آئی کا قیام عمل میں لایا تھا، جو 2019 میں مسک کی کمپنی کو چھوڑنے سے پہلے ایک نان-پرافٹ آرگنائزیشن تھی۔ اس سے الگ ہونے کے بعد مسک کئی بار اس پر سوال کھڑے کر چکے ہیں۔