فلپائن میں آتش فشاں میں دھماکہ، آسمان میں 3 کلومیٹر تک راکھ کے بادل، 87 ہزار افراد کا ریسکیو جاری

وسط فلیپنس میں موجود کان لاؤن آتش فشاں میں 9 دسمبر کو دھماکہ ہو گیا ہے جس کی وجہ سے آسمان میں 3 کلو میٹر تک راکھ کے غبار نظر آرہے ہیں۔ فلیپنس انسٹی ٹیوٹ آف والکینولوجی اینڈ سسمولوجی کے مطابق یہ ابھی اور دھماکہ کر سکتا ہے، اس لیے ابھی کچھ دنوں تک خطرہ برقرار رہنے والا ہے۔

تھرمل اور ایکس رے کیمرہ مانیٹرس کے مطابق گرم لاوا اور پتھر کی کثافت بہت زیادہ ہے۔ پہاڑ کی چوٹی سے بھاری مقدار میں گرم راکھ اور کیچڑ نکل کر آ رہا ہے۔ یہ سینکڑوں فٹ فی سیکنڈ کی رفتار سے نیچے آ رہا ہے۔ فلیپنس کے سول ڈیفنس آفس نے 87 ہزار لوگوں کو محفوظ مقامات پر پہنچانے کا کام شروع کر دیا ہے۔

'پھلووکس' کے مطابق آتش فشاں ابھی خاموش نہیں ہوا ہے۔ مستقبل میں کسی بھی وقت پھٹ سکتا ہے۔ یہ آتش فشاں ملک کے دو درجن فعال آتش میں سے ایک ہے۔ یہ نیگروس آکسیڈنٹل اور نیگروس اورینٹل صوبہ کے درمیان موجود ہے۔ اس سے پہلے یہ اس سال 3 جون کو پھٹا تھا۔ دسمبر 2017 میں بھی اس میں دھماکہ ہوا تھا۔ پچھلے دھماکہ کے بعد علاقے میں بہت دنوں تک لوگ واپس نہیں آئے تھے۔ یہ رک رک کر پھٹ رہا تھا۔ تب سے لگاتار اس میں زہریلی گیسیں اور گرم راکھ نکل رہی تھیں۔ خاص طور سے 19 اکتوبر کے بعد سے اس پہاڑ کے آس پاس کے علاقوں میں ہر دن 5 سے 26 مرتبہ زلزلہ کے جھٹکے محسوس ہو رہے ہیں۔

فی الحال اس آتش فشاں کی وجہ سے آس پاس کے علاقوں میں تیسرے سطح کا الرٹ جاری کر دیا گیا ہے یعنی ایک ہفتہ کے اندر اس میں پھر سے بڑا دھماکہ ہونے کا خدشہ ہے۔ اگلا اسکیل چوتھے سطح کا ہوگا یعنی مسلسل ہونے والا دھماکہ، یہ خطرناک ہوتا ہے۔ اس کے بعد پانچویں سطح کا الرٹ یعنی کسی بھی گھنٹے یا دن میں اس کا دھماکہ ہو سکتا ہے۔