امریکی فوج کا ’بلیک ہاک‘ ہیلی کاپٹر گر کر تباہ، 3 فوجی پائلٹ ہلاک

واشنگٹن: امریکہ میں ایک تربیتی پرواز سے لوٹ رہا ’بلیک ہاک‘ ہیلی کاپٹر گر کر تباہ ہو گیا جس کے نتیجہ میں تین فوجی پائلٹ ہلاک ہو گئے۔ یہ حادثہ اڈاہو کے مقام پر پیش آیا اور تینوں پائلٹ اڈاہو آرمی نیشنل گارڈ سے تعلق رکھتے تھے۔ جان گنوانے والے پائلٹوں میں دو سینئر پائلٹ تھے اور انہیں پرواز کا 10 سال سے زیادہ کا تجربہ تھا۔

ہیلی کاپٹر کے تباہ ہونے کی وجوہات کا تاحال تصدیق نہیں ہو پائی ہے تاہم ابتدائی اطلاعات کے مطابق ہیلی کاپٹر کو حادثہ منگل کی شب میں برف اور دھند کے دوران پیش آیا۔ فی الحال اس حادثہ کے حوالہ جانچ کی جا رہی ہے۔

اڈاہو آرمی کے نیشنل گارڈ کرنل کرسٹوفر برٹ نے بتایا کہ طیارے سے ہیلی کاپٹر سے آخری مرتبہ رات کو 7.45 پر رابطہ ہوا تھا۔ رات 8 بجے کے بعد ہیلی کاپٹر کے باہر نصب ہنگامی ٹرانسمیٹر لوکیٹر ڈیوائس کو کر دیا گیا اور اہلکاروں کو اس کی تلاش کے لئے روانہ کیا گیا۔ افسر نے کہا کہ بدھ کی رات 12.30 بجے کے قریب متلاشی دستے نے ہیلی کاپٹر اور اہلکاروں کو برآمد کر لیا۔

میجرجنرل مائیکل گارشک نے کہا کہ "یہ اڈاہو نیشنل گارڈ اور ہماری برادری کا بہت بڑا نقصان ہے۔ ہم پر اس وقت سانحہ گزر رہا ہے اور ہماری تعزیت اور دعائیں اہل خانہ اور عزیزوں کے ساتھ ہیں۔"