یوگانڈا کے ایک اسکول میں دہشت گردانہ حملہ، 41 افراد کی موت، 8 کی حالت سنگین

یوگانڈا میں گزشتہ 25 سال میں کسی اسکول پر ہوا یہ سب سے بڑا حملہ ہے، واقعہ کے بعد ہر طرف افرا تفری کا ماحول پیدا ہو گیا اور سبھی اپنی جان بچانے کے لیے اِدھر اُدھر بھاگتے نظر آئے۔

<div class="paragraphs"><p>علامتی، تصویر&nbsp;GettyImages</p></div>

علامتی، تصویرGettyImages

user

قومی آوازبیورو

مغربی یوگانڈا میں ایک اسکول پر دہشت گردانہ حملہ کے بعد 41 افراد کی ہلاکت سے متعلق خبریں سامنے آ رہی ہیں۔ یہ دہشت گردانہ حملہ جمعہ کی شب تقریباً 11 بجے کیا گیا جس میں 38 طلبا سمیت 41 افراد کی موت ہو گئی ہے اور کئی زخمی بھی ہوئے ہیں جن میں سے 8 کی حالت سنگین بنی ہوئی ہے۔ سبھی زخمیوں کا علاج اسپتال میں جاری ہے۔

میڈیا رپورٹس کے مطابق الائیڈ ڈیموکریٹ فورس (اے ڈی ایف) کے مسلح افواج نے کانگو سے ملحق ملک یوگانڈا کی سرحد پر موجود مپونڈوے واقع لوبیریرا سیکنڈری اسکول پر حملہ کر دیا۔ اے ڈی ایف آئی ایس آئی ایس سے منسلک تنظیم ہے اور پہلے بھی اس نے کئی حملے کیے ہیں۔ تازہ واقعہ کے بعد یوگانڈا پولیس فورس کے ترجمان فریڈ اینانگا نے ٹوئٹر پر لکھا کہ ’’حملے میں ہاسٹل کو جلا دیا گیا، فوڈ اسٹور کو بھی لوٹ لیا گیا۔ اب تک اسکول سے 25 لاشیں برآمد کی گئی ہیں اور بویرا اسپتال میں منتقل کیا گیا ہے۔‘‘


فریڈ اینانگا نے بتایا کہ یوگانڈا کی پولیس اور یوگانڈا پیپلز ڈیفنس فورس مشتبہ حملہ آور کی تلاش میں مصروف ہیں۔ حالانکہ ایک نیوز پورٹل پر شائع خبر میں اندیشہ ظاہر کیا گیا ہے کہ سبھی دہشت گرد حملہ کو انجام دینے کے بعد بھاگ کر کانگو کے ویرونگا نیشنل پارک میں چھپ گئے ہیں۔ یہ بھی بتایا جا رہا ہے کہ دہشت گردوں نے 6 لوگوں کو اغوا بھی کر لیا ہے۔

قابل ذکر ہے کہ یوگانڈا میں گزشتہ 25 سال میں کسی اسکول پر ہوا یہ سب سے بڑا حملہ ہے۔ واقعہ کے بعد ہر طرف افرا تفری کا ماحول پیدا ہو گیا اور سبھی اپنی جان بچانے کے لیے اِدھر اُدھر بھاگتے نظر آئے۔ اس حملہ کو 25-20 دہشت گردوں نے مل کر انجام دیا اور بھاگنے سے پہلے اسکول میں آگ لگا دی۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔


;