کویت میں داخلے کی نئی شرائط، ہوٹل میں قرنطینہ کے اخراجات مسافر کو خود ادا کرنے ہوں گے

کویت میں اتوار کے روز سے سے نافذ العمل نئے اقدامات صحت سے متعلق حکام کی ہدایات پر سامنے آئے ہیں۔ ان کا مقصد کورونا وائرس کے پھیلاؤ کے اثرات کا مقابلہ کرنا ہے۔

Getty Images
Getty Images
user

قومی آوازبیورو

کویت میں حکومت نے اعلان کیا ہے کہ وہ نئے اقدامات کے ساتھ کل اتوار سے غیر ملکیوں کو ملک میں داخلے کی اجازت دے گا۔ یہ بات کویت کی سرکاری نیوز ایجنسی "کورونا" نے جمعے کے روز بتائی۔ ادھر کویت میں شہری ہوا بازی کی انتظامیہ کے مطابق کورونا سے شدید متاثرہ ممالک سے براہ راست پروازوں کے ذریعے آنے والے افراد 14 روز کے لیے ایک مقامی ہوٹل میں قرنطینہ میں رہنے کے پابند ہوں گے۔ اس مقصد کے لیے "کویت مسافر" کی ویب سائٹ کے ذریعے اندراج ہو گا۔ ہوٹل میں قیام کے اخراجات مسافر کو خود ادا کرنے ہوں گے۔

دیگر ممالک سے آنے والے مسفاروں کو "کویت مسافر" پلیٹ فارم کے ذریعے اندراج کے بعد ایک مقامی ہوٹل میں 7 روز کے لیے قرنطینہ میں رہنا ہوگا۔ مسافر مزید 7 روز کے لئے اپنے گھر میں رہ کر قرنطینہ کی مدت پوری کریں گے۔ اتوار کے روز سے سے نافذ العمل نئے اقدامات صحت سے متعلق حکام کی ہدایات پر سامنے آئے ہیں۔ ان کا مقصد کورونا وائرس کے پھیلاؤ کے اثرات کا مقابلہ کرنا ہے۔

ہوٹل میں قرنطینہ کی پابندی سے بعض لوگوں کو استثنا حاصل ہو گا۔ ان میں بیرون ملک علاج کے لیے جانے والے کویتی مریض، بیرون ملک زیر تعلیم کویتی طلبہ، 18 برس سے کم عمر مسافر جو کسی ساتھی کے بغیر ہوں، سفارتی عملہ اور طبی عملہ شامل ہے۔ ان افراد کو قرنطینہ کے پورے 14 روز گھر میں ہی گزارنے ہوں گے۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔


next