اگر صدارتی انتخاب ہار گیا تو شائستگی کے ساتھ اقتدار منتقل کر دوں گا: ٹرمپ

واشنگٹن: امریکی صدر ڈونالڈ ٹرمپ نے کہا ہے کہ اگر وہ تین نومبر کو ہونے والے صدارتی عہدے کا انتخاب ہار جاتے ہیں تو شائستگی کے ساتھ اقتدار کو منتقل کردیں گے۔ ڈونالڈ ٹرمپ نے ایک دن پہلے اس سے برعکس بیان دیا تھا۔ انہوں نے کہا تھا کہ انتخابات ہارنے کی صورت میں اقتدار کا منتقل کرنا آسان نہیں ہوگا۔ انہوں نے پوسٹل ووٹنگ میں گڑبڑی کے شبہ کا اظہار کرتے ہوئے کہا تھا کہ معاملہ عدالت میں بھی جاسکتا ہے۔

ڈونالڈ ٹرمپ نے ورجینیا کے نیوپورٹ نیوز میں ایک انتخابی ریلی سے خطاب کے دوران جمعہ کو کہا کہ ان کی شکست ووٹنگ عمل میں گڑبڑی کی وجہ ہی ہوسکتی ہے۔ انہوں نے کہا کہ جوبائیڈن کے انتخابات میں جیت جانے پر وہ انہیں آسانی سے اقتدار حوالے کرنے کے حق میں نہیں ہیں۔ انہوں نے کہا کہ ’’ہم بہت دوستانہ طریقے سے اقتدار کو حوالے کرنا چاہتے ہیں۔ ہم یہ بھی چاہتے ہیں کہ ہمارے ساتھ کسی طرح کی دھوکہ دہی نہیں ہو۔‘‘