سری لنکا کے سابق کرکٹر سنتھ جئے سوریہ نے سنائی ملک کی حالت زار

سنتھ جئے سوریہ نے کہا کہ لوگوں نے اب سری لنکائی حکومت کے خلاف احتجاجی مظاہرہ کرنا شروع کر دیا ہے، وہ حکومت کو دکھا رہے ہیں کہ وہ کس طرح متاثر ہیں۔

تصویر سوشل میڈیا
تصویر سوشل میڈیا
user

قومی آوازبیورو

سری لنکا کی موجودہ حالت سے پوری دنیا فکرمند ہے۔ سری لنکا میں لوگوں کو کھانے پینے کی چیزیں ٹھیک سے دستیاب نہیں ہو پا رہی ہیں۔ سری لنکا بھکمری کے دلدل میں بری طرح پھنس چکا ہے۔ لوگ سڑکوں پر اتر کر احتجاجی مظاہرہ کر رہے ہیں۔ ہندوستان سمیت کچھ ممالک سے سری لنکا کو مدد تو مل رہی ہے، لیکن وہ ناکافی ثابت ہو رہی ہے۔ وہاں کے موجودہ حالات پر سری لنکا کے سابق کرکٹر سنتھ جئے سوریہ نے اپنا سخت رد عمل ظاہر کیا ہے۔

سنتھ جئے سوریہ نے کہا ہے کہ ’’یہ بدقسمتی ہے کہ لوگ اس حالت سے گزر رہے ہیں۔ وہ اس طرح زندہ نہیں رہ سکتے اور انھوں نے احتجاج کرنا شروع کر دیا ہے۔ گیس کی قلت ہے اور گھنٹوں بجلی کی فراہمی نہیں ہے۔ لوگوں نے اب سری لنکائی حکومت کے خلاف احتجاجی مظاہرے کرنے شروع کر دیئے ہیں۔ وہ حکومت کو دکھا رہے ہیں کہ وہ کتنے متاثر ہیں۔ اگر متعلقہ لوگ اسے ٹھیک سے ہینڈل نہیں کرتے ہیں تو یہ ایک آفت میں تبدیل ہو جائے گا۔ فی الحال اس کی ذمہ داری موجودہ حکومت کی ہوگی۔‘‘


سنتھ جئے سوریہ نے کہا کہ ’’ہمارے ملک کے پڑوسی اور بڑے بھائی کی شکل میں ہندوستان نے ہمیشہ ہماری مدد کی ہے۔ ہم حکومت ہند اور وزیر اعظم نریندر مودی کے شکرگزار ہیں۔ ہمارے لیے موجودہ مشکل حالات کے سبب زندہ رہنا آسان نہیں ہے۔ ہم ہندوستان اور دیگر ممالک کی مدد سے اس سے باہر نکلنے کی امید کرتے ہیں۔‘‘

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔