آج پھر سی این جی کی قیمت میں ایک بار اضافہ، 2 روز میں ہوا 5 روپے کا اضافہ

نئی دہلی: ایک طرف ملک میں پٹرول اور ڈیزل کی قیمتوں میں لگاتار اضافہ ہو رہا ہے۔ دوسری جانب سی این جی کی قیمتوں میں بھی گزشتہ چند روز سے اضافہ دیکھا گیا ہے۔ دہلی میں کل کے مقابلے آج سی این جی کی قیمتوں میں 2.5 روپے فی کلو کا اضافہ ہوا ہے۔ دہلی میں آج سی این جی 69.11 روپے فی کلو مل رہی ہے۔ اس کے ساتھ ہی نوئیڈا، گریٹر نوئیڈا اور غازی آباد میں سی این جی 71.67 روپے فی کلو کے حساب سے دستیاب ہے۔ دہلی میں اندرا پرستھا گیس لمیٹڈ (IGL) نے گزشتہ چند دنوں میں CNG کی قیمتوں میں اضافہ کیا ہے۔ آئی جی ایل کے اعلان کے بعد سی این جی کی نئی قیمتیں دہلی-این سی آر میں آج صبح 6 بجے سے لاگو ہو گئی ہیں۔

دیکھیں ان شہروں میں ریٹ کیا ہے۔

• دہلی – 69.11 روپے فی کلو

• نوئیڈا، گریٹر نوئیڈا اور غازی آباد – 71.67 روپے فی کلو

• مظفر نگر، میرٹھ اور شاملی – 76.34 روپے فی کلو

• گروگرام - 77.44 روپے فی کلو

• ریواڑی – 79.57 روپے فی کلو

• کرنال، کیتھل – 77.77 روپے فی کلو

• کانپور – 80.90 روپے فی کلو

• اجمیر، پالی – 79.38 روپے فی کلو

اس سے قبل بدھ 6 اپریل 2022 کو بھی سی این جی کی قیمتوں میں اضافہ کیا گیا تھا۔ گیس سپلائی کرنے والی کمپنیوں نے سی این جی کی قیمت میں 2 روپے 50 پیسے فی کلو اضافہ کر دیا۔ یکم اپریل کو دہلی میں سی این جی کی قیمت میں 80 پیسے فی کلو اضافہ کیا گیا تھا۔ اس دن پی این جی کی قیمتوں میں بھی اضافہ کیا گیا تھا۔ پائپ کے ذریعے گھروں تک پہنچائی جانے والی کھانا پکانے والی گیس (پی این جی) کی قیمت میں 5 روپے فی کیوبک میٹر کا اضافہ کیا گیا تھا۔ پھر 4 اپریل کو قیمتوں میں براہ راست ڈھائی روپے کا اضافہ کیا گیا۔