چین: شنگھائی میں دو مہینے بعد کووڈ پابندیوں میں نرمی، سڑکوں پر لوٹی زندگی

شنگھائی حکومت کی ترجمان ین شن نے کہا کہ یہ ایسا دن ہے جس کا ہم طویل عرصہ سے خواب دیکھتے آئے ہیں، شن نے کہا کہ یہ دن مشکل سے آیا ہے اور ہمیں اسے سنبھال کر رکھنے اور حفاظت کرنے کی ضرورت ہے۔

شنگھائی، تصویر آئی اے این ایس
شنگھائی، تصویر آئی اے این ایس
user

قومی آوازبیورو

چین کا معاشی اور عالمی کاروباری مرکز سنگھائی میں بدھ کے روز دو مہینے کے سخت لاک ڈاؤن کے بعد کووڈ پابندیوں میں نرمی دی گئی۔ پورے شہر میں پروڈکشن اور رہن سہن سے متعلق معمولات کو پوری طرح سے بحال کر دیا گیا ہے۔ بسوں، ریل اور پھیری سروس پھر سے شروع ہو گئی ہے۔ دنیا کے اہم کاروباری مرکز شنگھائی میں پرائیویٹ کاروں اور کارپوریٹ گاڑیوں کو بھی عام طور سے چلنے کی اجازت دے دی گئی ہے۔ شاپنگ مال، سپرمارکیٹ، فارمیسی اور دیگر کمرشیل آؤٹ لیٹس نے بھی بدھ سے اپنا آف لائن کاروبار پھر سے شروع کر دیا ہے۔ بازاروں میں گاہکوں کی بھیڑ پھر سے دکھائی دینے لگی ہے۔

شنگھائی حکومت کی ترجمان ین شن نے نامہ نگاروں سے کہا کہ ’’یہ ایک ایسا دن ہے جس کا ہم طویل عرصہ سے خواب دیکھتے آئے ہیں۔‘‘ شن نے مزید کہا کہ یہ دن مشکل سے آیا ہے اور ہمیں اسے سنبھال کر رکھنے اور محفوظ کرنے کی ضرورت ہے۔ ہم سب مل کر اس شنگھائی کا استقبال کریں جسے ہم جانتے ہیں اور پہلے ہم سے غلطی ہو گئی تھی۔


اس سے پہلے سخت کووڈ پابندیوں میں نرمی دینے کا اعلان کرتے ہوئے شنگھائی کے ڈپٹی میئر جونگ منگ نے منگل کو میڈیا اہلکاروں سے کہا تھا کہ شہر اب بھی کووڈ کی روک تھام اور کنٹرول کے اہم مراحل میں ہے، اس لیے سبھی کی حمایت اور تعاون کی ضرورت ہے۔ سبھی کو وبا سے بچاؤ کے احتیاطی اقدامات پر سختی سے عمل کرنا چاہیے۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔