وبا کے دنوں میں بچوں کی کھیل کود، دل کو چھو لینے والی تصویر

ہر بچے کے لیے اسکول انتظامیہ نے چاک سے ’الگ تھلگ دائرہ‘ مختص کیا ہے جس میں وہ اپنے ہم ساتھی کے ساتھ مل کر کھیلنے کے بجائے اکیلا کھیل رہا ہے۔ ان بچوں کی عمر تین سے چار سال کے درمیان بتائی جاتی ہے

تصویر سوشل میڈیا
تصویر سوشل میڈیا
user

قومی آوازبیورو

دنیا کے بیشترممالک کرونا وائرس کے پھیلاؤ کو روکنے اور معمول کے مطابق زندگی کی واپسی کے لیے ہر طرح سے جنگ لڑ رہے ہیں۔ ایسے میں پوری دنیا میں 'سماجی دوری' کے اصول پرعمل کیا جا رہا ہے۔ سماجی دروی نے بچوں کے کھیل کود پر کیا اثرات مرتب کیے ہیں اس کی جھلک دیکھنے کے لیے سوشل میڈیا پر وائرل ہونے والی یہ تصویر ہی کافی ہے۔

العربیہ ڈاٹ نیٹ کے مطابق یہ تصویرفرانس کے ایک اسکول کے صحن کی ہے جس میں بچوں کو دائروں میں بٹھا کر انہیں ایک دوسرے سے دور کیا گیا ہے۔ برطانوی اخبار "میٹرو" کے حوالے سے دی گئی تصویر بیلجیم کی سرحد پر واقع شمالی قصبے تورکنگ میں واقع ایک فرانسیسی اسکول کے بچوں کی ہے جو وبا سے بچنے کے لیے سماجی فاصلوں کے اصول کے تحت کھیل رہے ہیں۔

ہر بچے کے لیے اسکول انتظامیہ نے چاک کے ساتھ پینٹ کردہ "الگ تھلگ دائرہ" مختص کیا ہے جس میں وہ اپنے ہم ساتھی کے ساتھ مل کر کھیلنے کے بجائے اکیلا کھیل رہا ہے۔ ان بچوں کی عمر تین سے چار سال کے درمیان بتائی جاتی ہے۔ فرانس میں اسکولوں کی تقریباً دو ماہ کی بندش کے بعض علاقوں میں مشروط طورپر دوبارہ اسکول کھولے ہیں۔

پیرس میں وزارت تعلیم کے ایک ترجمان نے کہا کہ اساتذہ کو اپنے طلباء کے لئے چاک بکس کھینچنے کے لیے کوئی خاص ہدایت موجود نہیں ہے لیکن انہوں نے زور دے کر کہا کہ ہر شخص معاشرتی فاصلے کو برقرار رکھنے کی ہدایت پر عمل پیرا ہے۔

(العربیہ ڈاٹ نیٹ)

Published: 17 May 2020, 2:11 PM
next