امریکہ میں کملا ہیرس کے گھر کے باہر سے مسلح شخص گرفتار

واشنگٹن: امریکہ میں قانون نافذ کرنے والے افسران نے گزشتہ روز امریکی نائب صدر کملا ہیرس کی سرکاری رہائش گاہ کے باہر سے ایک مسلح شخص کو گرفتار کیا ہے۔ ’فاکس نیوز‘ کی ایک رپورٹ کے مطابق ڈی سی میٹرو پولیٹن پولیس کو نیول آبزرویٹری کے قریب ایک مشتبہ شخص کی خفیہ اطلاعات موصول ہوئی، جس کے بعد اس مشتبہ شخص کو گرفتار کرلیا گیا۔

گرفتار کیے گئے شخص کی شناخت پول مرے کے نام سے ہوئی ہے اور وہ ٹیکساس کے سان انتونیو سے تعلق رکھتا ہے۔ انہیں پہلے امریکی محکمہ انٹلیجنس سروسز کے افسران نے گرفتار کیا تھا، جس کے بعد واشنگٹن پولیس نے اسے اپنی تحویل میں لے کر کارروائی شروع کر دی ہے۔ پولیس نے اس کے پاس سے رائفلیں اور گولیاں برآمد کیں ہیں۔