ملائیشیا میں کورونا کے 3856 نئے معاملے، 9 مریضوں کی موت
وزارت صحت کے مطابق اتوار کی آدھی رات تک درج کئے گئے نئے معاملوں میں سے 492 کا تعلق بیرون ملک سے آنے والے افراد سے ہے۔ وہیں 3364 معاملے مقامی انفیکشن کے ہیں۔
![کورونا وائرس، تصویر یو این آئی](https://media.assettype.com/qaumiawaz%2F2021-12%2F1b07c28c-2524-4da6-9d78-e7282115f064%2Fcorona_U_0_11__2_.jpg?rect=0%2C0%2C1200%2C675&auto=format%2Ccompress&fmt=webp)
کوالالمپور: ملائیشیا میں کورونا وائرس کے 3856 نئے معاملے درج ہوئے ہیں اور اس کے بعد اس مہلک وائرس سے متاثرہ افراد کی تعداد بڑھ کر 28,32,945 ہو گئی ہے۔ وزارت صحت کے مطابق اتوار کی آدھی رات تک درج کئے گئے نئے معاملوں میں سے 492 کا تعلق بیرون ملک سے آنے والے افراد سے ہے۔ وہیں 3364 معاملے مقامی انفیکشن کے ہیں۔
ملک میں اس وبا کی وجہ سے مزید نو افراد ہلاک ہو چکے ہیں۔ اس کے بعد مرنے والوں کی تعداد 31,892 ہو گئی ہے۔ یہاں اس عرصے کے دوران 2814 لوگ صحت یاب ہو چکے ہیں۔ اس کے بعد اس وبا کو شکست دینے والوں کی تعداد 27 لاکھ 55 ہزار 933 ہو گئی ہے۔
ملائیشیا میں اس وقت کورونا کے 45120 زیر علاج معاملے ہیں جن میں سے 143 افراد آئی سی یو میں زیر علاج ہیں جب کہ 53 افراد کو آکسیجن کی ضرورت ہے۔ یہاں اتوار کو 131,168 لوگوں کو ویکسین کی خوراک دی گئی۔ یہاں 79.8 فیصد آبادی کو کم از کم ویکسین کی پہلی خوراک دی جاچکی ہے، 78.7 فیصد آبادی کو دونوں خوراکیں دی گئی ہیں اور 32.8 فیصد آبادی کو بوسٹر ڈوز دی گئی ہے۔
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔