ایران میں 10 منزلہ عمارت گرنے سے 29 افراد کی موت، 38 اب بھی لاپتہ
میٹروپول کے نام سے مشہور زیر تعمیر عمارت عبادان شہر میں ایک بھیڑ بھاڑ والی سڑک پر تھی، جو کمرشیل، طبی کیمپس اور دفاتر سے گھری ہوئی تھی، عمارت کے کچھ حصے اچانک منہدم ہو گئے۔
ایران کے عبادان شہر میں ایک 10 منزلہ کمرشیل عمارت گرنے سے 29 لوگوں کی موت ہو گئی ہے جب کہ 38 دیگر لاپتہ ہیں۔ لاپتہ لوگوں کے عمارت کے ملبہ میں دبے ہونے کا اندیشہ ہے۔ ایک سرکردہ افسر نے بتایا کہ لاپتہ لوگوں کی تلاش میں زور و شور سے بچاؤ مہم چلائی جا رہی ہے۔
یہ بھی پڑھیں : مودی جی کی نیاری بھیٹ، یوگاسن اور خالی پیٹ... اعظم شہاب
نیوز ایجنسی سنہوا کی رپورٹ کے مطابق منہدم ہونے والی جگہ کا دورہ کرتے ہوئے خزستان علاقہ کے گورنر صادق خلیلین نے صحافیوں سے مہلوکین کی تعداد کی تصدیق کی اور کہا کہ متاثرین کی شناخت کی جانی باقی ہے۔ انھوں نے کہا کہ لاپتہ لوگوں کو تلاش کرنے کے لیے تلاشی اور بچاؤ کاری مہم جاری ہے۔ انھوں نے یقین دلایا کہ مہم تب تک جاری رہے گی جب تک کہ ہر شخص کے بارے میں پتہ نہیں چل جاتا۔ افسران نے اندیشہ ظاہر کیا ہے کہ عمارت کے باقی حصے اور آس پاس کے ڈھانچے بھی منہدم ہو سکتے ہیں۔
ایران نے متاثرین کے اعزاز میں ایک دن کے قومی غم کا اعلان کیا ہے۔ ایرانی عدلیہ کی میزان نیوز ایجنسی نے بتایا کہ اس واقعہ کے لیے 10 لوگوں کو گرفتار کیا گیا ہے جس میں عمارت کے مالک اور ٹھیکیدار کی موت ہو گئی ہے۔ زیر تعمیر عمارت، جسے میٹروپول کے نام سے جانا جاتا ہے، عبادان شہر میں ایک بھیڑ بھاڑ والی سڑک پر تھی، جو کمرشیل، طبی احاطوں اور دفاتر سے گھری ہوئی تھی۔ عمارت کے کچھ حصے اچانک منہدم ہو گئے، جس سے درجنوں لوگ ملبے میں دب گئے۔
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔