فیفا عالمی کپ میں ہالینڈ نے سینیگال کو دو گولوں سے شکست دی

افریقی چیمپئن سینیگال کی ٹیم نے زبردست مقابلہ کیا اور ہالینڈ کے گول کیپر کی شاندار کارکردگی کی وجہ سے وہ کئی گولوں سے محروم رہ گئے۔

تصویر آئی اے این ایس
تصویر آئی اے این ایس
user

سید خرم رضا

فیفا عالمی کپ  کے ایک انتہائی دلچسپ مقابلے میں ہالینڈ کی ٹیم نے سینیگال کی افریقی ٹیم کو صفر کے مقابلہ دو گول سے شکست دے کر تین پوائنٹ حاصل کر لئے۔ ہالینڈ کی ٹیم کو مضبوط کہا جا رہا تھا لیکن سینیگال نے شاندار کھیل کا مظاہرہ کیا اور پہلا گول کھیل کے ۸۴ ویں منٹ میں  ہالینڈ کے نوجوان کھلاڑی گکپو نے کیا ۔

ایک جانب جہاں ہالینڈ کے گول کیپر نے نے شاندار کھیل کا مظاہرہ کیا وہیں دوسرے ہاف میں  آئے میمپھس نے ہالینڈ کے حملوں میں جان پھونک دی۔ گکپو نے ہیڈ سے شاندار گول کیا جبکہ میمپھس کے ایک شاٹ کو سینیگال کےگول  کیپر صحیح طرح روک نہیں پائے اور  بعد میں آئے کھلاڑی کلاسن نے آخری منٹ میں ری باؤنڈ پر  شاندار گول کیا۔


افریقی چیمپئن سینیگال کی ٹیم نے زبردست مقابلہ کیا اور ہالینڈ کے گول کیپر کی شاندار کارکردگی کی وجہ سے وہ کئی گولوں سے محروم رہ گئے۔ ادھر سینیگال کی ٹیم کو اس وقت دھچکا لگا جب ان کے مڈ فیلڈر چیخو کویاٹے  کو چوٹ لگنے کی وجہ سے کھل کے میدان سے باہر جانا پڑا۔ پہلے ان کے اسٹار اسٹرائکر سادیو مانے کا چوٹ کی وجہ سے عالمی کپ سے باہر ہونے سے ٹیم کو کافی نقصان ہو چکا ہے۔

ہالینڈ کے کوچ وان گال اپنی ٹیم کی کارکردگی سے بہت خوش ہیں ۔ انہوں نے اعتراف کیا کہ سینیگال کی ٹیم نے شاندار فٹبال کھیلی اور کئی مرتبہ وہ گول کرنے کے قریب پہنچ گئے اور جیت سے ہالینڈ کو کافی فائدہ ہوا ہے۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔