فیفا ورلڈ کپ 2026: کرسٹیانو رونالڈو کا نہیں چلا جادو، پرتگال کو روک کر کولمبیا پہنچا گروپ میں سب سے اوپر

فیفا ورلڈ کپ 2026 میں کولمبیا نے اپنی شاندار کارکردگی کا سلسلہ جاری رکھا ہے۔ اتوار (28 جون) کو میامی کے ہارڈ راک اسٹیڈیم میں کھیلے گئے ہائی وولٹیج مقابلے میں کولمبیا نے پرتگال کو بغیر کسی گول کے ڈرا (0-0) پر روک دیا۔ دونوں ٹیمیں پہلے ہی ناک آؤٹ مرحلے میں اپنی جگہ محفوظ کر چکی تھیں لیکن گروپ میں ٹاپ پوزیشن کی لڑائی باقی تھی۔

 کولمبیا نے مضبوط پرتگالی ٹیم کو گول کرنے کا کوئی مواقع نہیں دیا اور ایک اہم پوائنٹ حاصل کرکے گروپ ’کے‘ میں پہلی پوزیشن حاصل کرلی۔ پرتگال کے کپتان کرسٹیانو رونالڈو اس میچ میں کمال نہیں کرپائے۔ رونالڈو نے کل 3 شاٹس لگائے۔ اس دوران ایک شاٹ نشانے پر رہا جسے گول کیپر نے آسانی سے بچا لیا۔

گروپ میں سرفہرست مقام حاصل کرنے کے بعد اب کولمبیا کا مقابلہ راؤنڈ آف 32 میں گھانا سے ہوگا۔ وہیں پرتگال کی ٹیم کو کروشیا جیسی مضبوط حریف کا سامنا کرنا ہوگا۔ کروشیا نے گھانا کو 1-2 سے شکست دے کر راؤنڈ آف 32 تک رسائی حاصل کی۔ اب آگے کا راستہ پرتگال کے لیے آسان رہنے والا نہیں ہوگا۔

اگرچہ اسکور لائن 0-0 رہی لیکن میدان پر جوش و خروش میں کوئی کمی نہیں تھی۔ دونوں ٹیموں نے لگاتار حملے جاری رکھے اور کئی بار گول کرنے کے قریب پہنچیں۔ پہلے ہاف میں پرتگال کے اسٹار مڈفیلڈر برونو فرنانڈیز نے شاندار موقع فراہم کیا لیکن کولمبیا کے تجربہ کار گول کیپر کیمیلو ورگاس نے شاندار سیو کر کے ٹیم کو پیچھے ہونے سے بچا لیا۔ دوسری طرف پرتگال کے گول کیپر ڈیوگو کوسٹا بھی دیوار بن کر کھڑے رہے۔ انہوں نے کل 6 شاندار سیو کر کے کولمبیا کے حملوں کو ناکام بنا دیا۔ یہ ان کے پچھلے دو میچوں میں کئے گئے کی کل سیو سے بھی زیادہ تھا۔

64,478  شائقین کی گنجائش والے ہارڈ راک اسٹیڈیم پوری طرح بھرا ہوا تھا۔ میچ میں کئی اہم شخصیات پہنچیں تھیں۔ اس موقع پر کولمبیا کے عظیم فٹ بالر کارلوس ویلڈرراما، فیفا کے صدر جیانی انفینٹینو، امریکی وزیر خارجہ مارکو روبیو، ایف بی آئی کے ڈائریکٹر کاش پٹیل، این بی اے اسٹار جمی بٹلر، ہالی ووڈ اداکار میٹ ڈیمن اور سابق این ایف ایل کھلاڑی چاڈ جانسن اسٹیڈیم میں موجود تھے۔

اس میچ نے فٹبال شائقین میں زبردست جوش و خروش پیدا کیا۔ ٹکٹوں کی زیادہ مانگ کی وجہ سے ہزاروں شائقین کو اسٹیڈیم میں سیٹ نہیں مل سکیں۔ جس کے بعد جنوبی فلوریڈا کے کئی علاقوں میں خصوصی واچ پارٹیوں کا اہتمام کیا گیا۔ فلوریڈا پینتھرز کے ہوم ایرینا میں منعقد ایلک واچ پارٹی میں ہزاروں فٹ بال شائقین جمع ہوئے اور بڑی اسکرین پر میچ کا لطف اٹھایا۔

اس ڈرا کے ساتھ ہی کولمبیا نے واضح طور پر اشارہ دیا ہے کہ وہ اس ورلڈ کپ میں صرف شرکت نہیں کر رہا ہے بلکہ ایک طویل سفر طے کرنے آیا ہے۔ پرتگال جیسی مضبوط ٹیم کو بغیر کسی گول کے ڈراپر روکنا اور گروپ میں سرفہرست رہنا اس کی مضبوطی کا مظاہرہ کرتا ہے۔