معروف موسیقار اے آر رحمان 29 سال بعد اپنی اہلیہ سائرہ سے علیحدہ ہو رہے ہیں!

آسکر ایوارڈ یافتہ موسیقار اے آر رحمان شادی کے 29 سال بعد اپنی اہلیہ سائرہ بانو سے علیحدگی اختیار کرنے جا رہے ہیں۔ رحمان اور سائرہ کے وکیل نے عوامی بیان جاری کرتے ہوئے کہا کہ جوڑے نے طلاق کا فیصلہ کر لیا ہے۔ اہلیہ کے مطابق وہ اس رشتے میں بہت تکلیف سے گزر رہی تھیں جس کو سنبھالنا ان کے لیے بہت مشکل ہو گیا ہے۔ اس لیے انہوں نے علیحدگی کا فیصلہ کیا ہے ۔

اے آر رحمان کے مداحوں کے لیے یہ خبر کسی صدمے سے کم نہیں۔ پبلک نوٹ کے مطابق جوڑے کا علیحدگی کا فیصلہ اچانک فیصلہ نہیں ہے۔ سائرہ کافی سوچنے اور سمجھنے کے بعد اس نتیجے پر پہنچی ہیں۔ انہوں نے اپنی پریس ریلیز میں کہا ہے کہ وہ اب اس رشتے کو نہیں بچا سکتیں۔

پریس ریلیز میں لکھا گیاہے کہ  شادی کے کئی سال بعد سائرہ نے اپنے شوہر اے آر رحمان سے علیحدگی کا مشکل فیصلہ کر لیا ہے۔ یہ فیصلہ ان کے تعلقات میں اہم جذباتی تناؤ کے بعد آیا ہے۔ ایک دوسرے سے گہری محبت کے باوجود، جوڑے نے محسوس کیا ہے کہ تناؤ اور مشکلات نے ان کے درمیان ایک خلیج پیدا کر دی ہے جسے اس وقت کوئی بھی فریق پاٹنے میں کامیاب نہیں ہو سکا۔ سائرہ نے زور دے کر کہا کہ انہوں نے یہ فیصلہ درد اور تکلیف کی وجہ سے کیا ہے۔ سائرہ اس مشکل وقت کے دوران عوام سے رازداری اور سمجھ بوجھ کی درخواست کرتی ہے، کیونکہ وہ اپنی زندگی کے اس مشکل باب سے گزر رہی ہیں۔

اے آر رحمان اور سائرہ کی شادی 1995 میں ہوئی تھی۔ جوڑے کے تین بچے ہیں - ختیجہ، رحیمہ، امین۔ موسیقار نے بتایا تھا کہ یہ رشتہ ان کی والدہ نے طے کیا تھا۔ دونوں کے درمیان بہت ثقافتی اختلافات تھے لیکن اس کے باوجود وہ اپنے تعلقات کو اچھے طریقے سے نبھا رہے تھے۔

فلم سلم ڈاگ ملینیئر کے لیے آسکر ایوارڈ جیتنے والے موسیقار اے آر رحمان کو ہندوستان  کا ایک بڑا میوزک کمپوزر مانا جاتا ہے۔ انہوں نے ماں تجھے سلام، اے ہمدم سنیو رے، تیرے بنا بیسوادی راتیاں جیسے کئی ہٹ گانے دیے۔ رحمان نے 1989 میں اسلام قبول کیا۔ انہوں نے اپنا نام دلیپ کمار سے بدل کر اللہ رکھا رحمان رکھ لیا۔ رحمان کی اہلیہ سائرہ بانو اداکار کی رشتہ دار ہیں۔