دہلی کے سبھی اسکول 31 مارچ تک مکمل طور پر بند

حکومت نے اس دوران اساتذہ کو گھر سے کام کرنے کا حکم دیا ہے۔ ان اسکولوں میں سالانہ امتحان بھی 19 مارچ سے 31 مارچ تک کے لئے ملتوی کیے گئے ہیں۔ امتحانات کی کاپی چیكنگ کا کام متعلقہ ٹیچر گھر سے کریں گے۔

تصویر سوشل میڈیا
تصویر سوشل میڈیا
user

یو این آئی

نئی دہلی: راجدھانی دہلی میں خطرناک کورونا وائرس کے پھیلنے کے پیش نظر دہلی حکومت نے احتیاطی قدم اٹھاتے ہوئے تمام سرکاری، غیر سرکاری اور منظور شدہ پرائیویٹ اسکولوں کو 31 مارچ تک مکمل طور پر بند کرنے کی ہدایت دی ہے۔

ڈائریکٹوریٹ آف ایجوکیشن (ڈی او ای) نے سی بی ایس ای کے امتحانات اور سالانہ امتحانات کو بھی ملتوی کر دیا گیا ہے۔ ڈائریکٹوریٹ نے میونسپل کارپوریشن، نئی دہلی میونسپل کارپوریشن اور دہلی کانٹنمنٹ بورڈ کو بھی مطلع کیا ہے کہ تمام طالب علموں، اساتذہ اور اسکول کے حکام اور عملے کے لئے جمعرات (19 مارچ) سے 31 مارچ تک اسکول مکمل طور بند رہیں گے۔ حکومت نے اس دوران اساتذہ کو گھر سے کام کرنے کا حکم بھی دیا ہے۔ ان اسکولوں میں سالانہ امتحان بھی 19 مارچ سے 31 مارچ تک کے لئے ملتوی کیے گئے ہیں۔ ان امتحانات کی کاپی چیكنگ کا کام متعلقہ ٹیچر گھر سے کریں گے۔


اس کے علاوہ یہ بھی بتایا گیا ہے کہ حکومت نے شمال مشرقی اور مشرقی دہلی کے سرکاری اور منظور شدہ اسکولوں میں سالانہ اسکول کے امتحان منعقد کرنے کے لئے ترمیم سے متعلق کاموں کو 31 مارچ تک ملتوی کر دیا تھا۔

سی بی ایس ای نے بدھ کے روز کورونا وائرس کے بڑھتے ہوئے خطرے کی وجہ سے 31 مارچ تک 10 ویں اور 12 ویں کے تمام بورڈ امتحانات ملتوی کر دیئے ہیں۔ اس کے ساتھ ہی سی بی ایس ای
کی کاپی وغیرہ جانچنے کا کام بھی 31 مارچ تک روک دیا گیا ہے۔


سی بی ایس ای کے سیکرٹری انوراگ ترپاٹھی نے یہاں جاری پریس ریلیز میں بتایا کہ 19 مارچ سے 31 مارچ کے درمیان میں ہونے والے تمام امتحانات کو منسوخ کر دیا گیا ہے۔ اب ان امتحانات کی اگلی تاریخ 31 مارچ کے بعد اعلان کی جائے گی۔

ریلیز میں لکھا ہے، "اس مدت کے دوران، شمال مشرقی دہلی کے طلبا کے لئے منعقد ہونے والے دوبارہ امتحانات کی تاریخ اب از سر نو طے کی جائے گی۔ اب ان امتحانات کی تاریخ صورتحال کا جائزہ لینے کے بعد 31 مارچ کے بعد بورڈ کی جانب سے جاری کی جائے گی ‘‘۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔