امریکی پورن اسٹار کا تہران میں سابقہ امریکی سفارت خانے کا دورہ

امریکی پورن اسٹار وٹنی رائٹ آن لائن فلسطینیوں کی حمایت سے جڑی معلومات بانٹتی رہی ہیں، جن میں اسرائیل کے خلاف مسلح لڑائی سے متعلق مواد بھی شامل ہے۔

امریکی پورن اسٹار کا تہران میں سابقہ امریکی سفارت خانے کا دورہ
امریکی پورن اسٹار کا تہران میں سابقہ امریکی سفارت خانے کا دورہ
user

Dw

فلسطینیوں کی حامی امریکی پورن اسٹار وٹنی رائٹ نے تہران میں سابقہ امریکی سفارت خانے کا دورہ کیا۔ ایران میں اسلامی انقلاب کے وقت اس سفارت خانے پر حملہ کیا گیا تھا۔وٹنی رائٹ ایران کا یہ دورہ ایک ایسے موقع پر کر رہی ہیں، جب ایران میں نوبل انعام یافتہ اور خواتین کے حقوق کی نمائندہ کارکن نرگس محمدی جیل میں ہیں۔ محمدی کو سن 2022 میں ایران میں خواتین کے حقوق کے تناظر میں ہونے والے حکومت مخالف مظاہروں کی حمایت کے جرم میں حراست میں لیا گیا تھا۔

سات اکتوبر کو اسرائیل پر حماس کے حملے کے بعد غزہ میں اسرائیلی فضائی اور زمینی کارروائیوں پر رائٹ فلسطینیوں کے حقوق کی وکالت کرتی رہی ہیں۔ انہوں نے پیر کو تہران میں سابقہ امریکی سفارت خانے کی عمارت کا دورہ کیا۔ سن 1979 میں ایران میں اسلامی انقلاب اور تب یرغمالیوں کے بحران کے تناظر میں یہ عمارت خالی کر دی گئی تھی۔ رائٹ نے تہران بھر میں اپنی ویڈیوز بنا کر سوشل میڈیا پر پوسٹ کی ہیں۔ پورنوگرافی کی صنعت سے وابستہ اس اداکارہ کو ایران میں خوفناک قسم کے مقدمے تک کا سامنا ہو سکتا ہے۔


رائٹ نے خبر رساں ادارے اے پی کی اس درخواست پر کوئی جواب نہیں دیا، جس میں ان سے پوچھا گیا تھا کہ وہ سابقہ امریکی سفارت خانے کیوں گئیں تھیں۔ رائٹ نے تاہم سوشل میڈیا پر اس دورے کی تصاویر کے ساتھ 'جانا ہی تھا‘ لکھا تھا۔

واضح رہے کہ سابقہ امریکی سفارت خانے کی یہ عمارت اب ایرانی پاسداران انقلاب کی نگرانی میں ایک میوزیم کے بہ طور موجود ہے۔ رائٹ نےانسٹاگرام پر ان تصاویر کے ساتھ لکھا ہے، ''میں اس میوزیم کی تصویریں شیئر کر رہی ہوں، جو پہلے نہیں دیکھی گئیں۔‘‘


اوکلاہوما شہر میں پیدا ہونے والی امریکی شہری رائٹ کو ایران کا ویزہ لینا پڑا ہے، تاہم خبر رساں ادارے اے پی کے مطابق رائٹ کے اس دورے پر ایرانی مشن برائے اقوام متحدہ نے کوئی تبصرہ نہیں کیا ہے۔ ایرانی وزارت خارجہ کے ترجمان سے بھی جب اس بابت دریافت کیا تھا، تو انہیں نے بھی رائٹ کے اس دورے سے لاعلمی کا اظہار کیا۔ واضح رہے کہ رائٹ آن لائن فلسطینیوں کی حمایت سے جڑی معلومات بانٹتی رہی ہیں، جن میں اسرائیل کے خلاف مسلح لڑائی سے متعلق مواد بھی شامل ہے۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔


;