وراٹ نے 31 ویں سالگرہ پر ’چيكو‘ کو لکھا جذباتی خط

نئی دہلی: ہندوستانی کرکٹ ٹیم کے کپتان اور تجربہ کار کھلاڑی وراٹ کوہلی منگل کو 31 برس کے ہو گئے۔ اس خاص موقع پر انہیں دنیا بھر سے پیغامات تہنیت ملے لیکن اس میں سب سے خاص وراٹ کا خود کو لکھا خط رہا جو ان کے جذبات اور پروفائل کا آئنہ کہا جا سکتا ہے۔ ہندوستانی کپتان نے اپنے 15 برس پیچھے جاتے ہوئے 15 سالہ وراٹ کے نام یہ خط لکھا جو اب کامیابی اور شہ سرخیوں سے بہت دور ہے۔ سوشل ویب سائٹ پر وراٹ نے اس خط كو شئیر کیا جس میں صاف جھلک ملی کہ وہ اس بے پناہ کامیابی کے درمیان کس قدر اپنے پرانے لمحات اور خاندان کے ساتھ گزارے وقت کو یاد کرتے ہیں۔

فی الحال بھوٹان میں بیوی انوشکا کے ساتھ چھٹیاں گزار رہے وراٹ بنگلہ دیش کے خلاف گھریلو ٹوئنٹی 20 سریز سے ابھی باہر ہیں جس میں روہت شرما قائم مقام کپتان کا کردار ادا کر رہے ہیں۔وراٹ نے اپنے خط کے ساتھ لکھاکہ میرا سفر اور زندگی میں نے اپنے 15 سالہ وراٹ کو سمجھایا ہے۔ میں نے اپنی طرف سے اس خط کو اچھا لکھنے کی کوشش کی ہے، آپ اسے پڑھیں ۔31 سالہ بلے باز نے خود کو خط میں چيكو کے اپنی عرفیت سے خطاب کرتے ہوئے لکھاکہ سب سے پہلے تو تمہیں سالگرہ کی مبارک باد۔ مجھے پتہ ہے کہ آپ کے پاس آپ کے مستقبل کو لے کر بہت سارے سوال ہوں گے، لیکن میں ان میں سے کسی کا جواب نہیں دینے والا هوں كيونکہ پتہ ہونے پر ہی ہر سرپرائز زیادہ میٹھا، ہر چیلنج زیادہ مشکل اور ہر مایوسی سیکھنے کا موقع لگتی ہے۔ یہ آپ کو ابھی سمجھ نہیں آئے گا لیکن منزل سے زیادہ سفر کے معنوں پر مشتمل ہے اور یہ سفر 'سپر' ہے۔

انہوں نے مزید لکھاکہ میں آپ کو یہ بتانا چاہتا ہوں کہ آپ کے لیے کئی بڑے موقع آنے والے ہیں، آپ انہیں حاصل کرنے کی کوشش کرنا، لیکن کبھی انہیں کم مت سمجھنا ۔ آپ ناکام ہو گے، لیکن کبھی بھی کھڑے ہونا اور جیتنے کا جذبہ مت بھولنا۔ آپ کوشش کرتے رہنا۔ بہت سے لوگ آپ کو محبت کریں گے ، اور بہت جو نہیں بھی جانتے نفرت کریں گے۔ ان کی پرواہ مت کرنا، خود پر انحصار رکھنا۔وراٹ نے لکھاکہ مجھے معلوم ہے کہ آپ ان جوتوں کے بارے میں سوچ رہے ہیں جو پاپا نے آج آپ كو تحفہ میں نہیں دیئے، لیکن یہ ان کے گلے لگانے اور صبح آپ کی لمبائی کو لے کر مذاق بنانے سے زیادہ اہم نہیں ہے۔ ہمارے لواحقین کئی بار بہت سخت ہوتے ہیں لیکن وہ ہمارا بھلا چاہتے ہیں۔ آپ کو لگتا ہے کہ ہمارے لواحقین ہمیں نہیں سمجھتے، لیکن یاد رکھو کہ وہ ہی ہمیں بغیر کسی مطلب کے محبت کرتے ہیں۔ آپ بھی ان کو محبت اور احترام دیں اور جتنا ہو سکے اپنا وقت خاندان کے ساتھ گزارتے ہیں۔

وراٹ نے لکھاکہ آپ پاپا کو بتانا کہ انہیں آپ کتنا پیار کرتے ہیں۔ انہیں آج، کل اور جب بھی موقع ملے یہ ضرور بتانا۔ آخر میں آپ اپنے خواب کو پورا کرنے کے لئے محنت کرتے رہیے۔ دنیا کو بتا دیجئے کہ بڑے خواب دیکھنے والے ہی بڑے بنتے ہیں۔ لیکن خود کو مت بھوليے۔ انہوں نے آخر میں لکھاکہ اور ہاں ان پراٹھوں کا مزہ لینا مت بھولنا ۔۔۔ آنے والے وقت میں وہ بڑے قیمتی ہوں گے۔ ہر روز سپر بنانا۔وراٹ۔ ہندستانی بلے باز نے اس سے پہلے اپنی بیوی انوشکا کے ساتھ بھوٹان میں چھٹیوں کی ایک تصویر بھی شئیر کی۔ وراٹ دو ٹسٹ میچوں کی سیریز سے ٹیم میں واپسی کریں گے جس کی شروعات 14 نومبر سے ہونی ہے۔