ٹیم نے زبردست کارکردگی کا مظاہرہ کیا: وراٹ کوہلی

وراٹ کوہلی نے میچ کے بعد کہا کہ پچھلے میچ کی طرح اس بار بھی ہم نے اپنا ہدف حاصل کر لیا۔ ہم سمجھ گئے کہ ٹاس کتنا اہم ہے، ہم نے ٹاس جیتا اور آگے بڑھے۔

تصویر ٹوئٹر
تصویر ٹوئٹر
user

یو این آئی

دبئی: ہندوستانی کپتان وراٹ کوہلی نے جمعہ کو ورلڈ کپ میں اسکاٹ لینڈ کے خلاف ہندوستان کی آٹھ وکٹ سے جیت اور ہندوستان کا نیٹ رن ریٹ افغانستان سے آگے پہنچنے کے بعد کہا کہ یہ بہت شاندار کارکردگی تھی۔

وراٹ کوہلی نے میچ کے بعد کہا کہ پچھلے میچ کی طرح اس بار بھی ہم نے اپنا ہدف حاصل کر لیا۔ ہم سمجھ گئے کہ ٹاس کتنا اہم ہے، ہم نے ٹاس جیتا اور آگے بڑھے۔ ہم سوچ رہے تھے 120 یا 130، لیکن یہ اچھا ہوا کہ اسکاٹ لینڈ 100 تک بھی نہیں پہنچا۔ ہمارے ذہن میں نیٹ رن ریٹ تھا اور ہم اس کے مطابق چلے۔ جہاں تک ہم نے پریکٹس میچ میں بلے بازی کی تھی، وہاں پر ہم نے پاور پلے میں اچھا کھیلا، ہم صرف اچھی گیندبازی کرنا چاہتے تھے تاکہ بلے باز اپنا کام کریں۔ شامی نے اچھی گیند بازی کی اور پوری ٹیم کے گیندبازوں نے بھی اپنا شاندار تعاون دیا۔


آج اپنی سالگرہ پر ملی جیت کے تحفے سے متعلق سوال کے جواب پر وراٹ کوہلی نے ہنستے ہوئے کہا، جہاں تک میری سالگرہ کی بات ہے تو میری فیملی میرے ساتھ ہے، تو بالکل یہی میرے لئے سب سے زیادہ اہم ہے۔

پلیئر آف دی میچ رویندرا جڈیجا نے اپنی کارکردگی پر کہا کہ 'اس پچ پر گیندبازی کرکے مزہ آیا، بہت سی گیندیں ٹرن کر رہی تھیں۔ پہلی وکٹ خاص تھی۔ جب بھی آپ ٹرننگ گیند پر بلے باز کو آؤٹ کرتے ہیں تو یہ خاص ہوتا ہے۔ ہم صرف اچھی کرکٹ کھیلنا چاہتے تھے۔ اگر ہم اسی طرح کھیلتے رہے تو ہمیں کوئی نہیں ہرا سکتا۔ ہمیں ٹی ٹوئنٹی میں اسی طرح کھیلنا ہوگا۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔