ہندوستانی ٹیم نے سنچرین میں رقم کی تاریخ، جنوبی افریقہ کو 113 رنوں سے شکست

تین میچوں کی ٹیسٹ سیریز میں جمعرات کو ہندوستان نے جنوبی افریقہ کو 113 رنوں سے شکست دے دی، اسی کے ساتھ ہندوستان نے سیریز میں 0-1 سے سبقت بنا لی ہے۔

تصویر آئی اے این ایس
تصویر آئی اے این ایس
user

قومی آوازبیورو

تین ٹیسٹ میچوں کی سیریز کے پہلے ٹیسٹ میں ہندوستان نے جنوبی افریقہ کو شکست دے کر سنچرین کے سپراسپورٹ پارک میں ہندوستان نے ایک نئی تاریخ رقم کر دی ہے۔ جمعرات کو پہلے ٹیسٹ کے پانچویں دن ہندوستان نے جنوبی افریقہ کو 113 رنوں سے شکست دے دی۔ اس کے ساتھ ہی ہندوستان نے سیریز میں 0-1 سے سبقت بنا لی ہے۔ 305 رنوں کے ہدف کا پیچھا کرنے اتری جنوبی افریقہ کی ٹیم پانچویں دن 191 رنوں پر سمٹ گئی۔ ٹیم کی طرف سے کپتان ڈین ایلگر (77) نے دوسری اننگ میں سب سے زیادہ رن بنائے۔

ہندوستان کی طرف سے تیز گیندباز جسپریت بمراہ، محمد شامی اور محمد سراج نے بہترین گیندبازی کا مظاہرہ کیا۔ محمد شامی اور بمراہ نے دوسری اننگ میں سب سے زیادہ 3-3 وکٹ اپنے نام کیے۔ پانچویں دن کے پہلے سیشن میں جنوبی افریقہ نے 94 رن پر 4 وکٹ سے آگے کھیلتے ہوئے جلد ہی لنچ تک 7/187 ہو گئی۔ اس میں کپتان ڈین ایلگر (77)، ڈیکاک (21) اور مولڈر (1) رن بنا کر آؤٹ ہو گئے۔ اس دوران بمراہ، سراج اور شامی نے ایک ایک وکٹ لیے۔


اس کے بعد دوسرے سیشن میں آتے ہی جنوبی افریقہ کی ٹیم 191 پر آؤٹ ہو گئی۔ اس سیشن کے پہلے اوور میں ہی شامی نے جینسن (13) کو آؤٹ کر دیا، اور پھر اشون نے اگے ہی اوور میں کگیسو رباڈا (صفر) اور لنگی اینگیڈی (صفر) کو آؤٹ کر سنچرین ٹیسٹ میں جیت کا پرچم لہرا دیا۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔