وشاکھاپٹنم ون ڈے میں 117 رن پر سمٹی ٹیم انڈیا، مچل اسٹارک نے 5 وکٹ لے کر توڑی اندین ٹاپ آرڈر کی کمر

دوسرے ون ڈے میں ٹیم انڈیا نے آسٹریلوی گیند بازوں کے سامنے گھٹنے ٹیک دیئے۔ اس میچ میں روہت، سوریہ کمار، شبھمن گل اور کے ایل راہل تمام فلاپ رہے اور مچل اسٹارک کی آگ اگلتی ہوئی گیندوں کا سامنا نہ کر سکے۔

<div class="paragraphs"><p>تصویر ٹوئٹر / @ICC</p></div>

تصویر ٹوئٹر / @ICC

user

قومی آوازبیورو

وشاکھاپٹنم: ہندوستان اور آسٹرلیا کے دردمیان چل رہی تین میچوں کی ون ڈے سیریز کے دوسرے میچ میں ہندوستانی بلے بازوں نے اسٹریلیا کے گیندبازوں کے سامنے گھٹنے ٹیک دیئے اور 117 رن بنا کر آل آؤٹ ہو گئی۔ ہندوستان کے لئے سب سے زیادہ 31 رن وراٹ کوہلی نے بنائے، جبکہ اکشر پٹیل نے 29 رنوں کا تعاون کیا۔ آسٹریلیا کے گیند باز مچل اسٹارک نے 53 رن دے کر سب سے زیادہ 5 وکٹ حاصل کئے جبکہ شان ایباٹ نے 3 وکٹ حاصل کئے۔

کپتان روہت نے مچل اسٹارک کی باہر آنے والی گیند پر شاٹ کھیلنے کی کوشش کی اور سلپ میں ان کا کیچ اسٹیو اسمتھ نے پکڑا جس کی وجہ سے وہ 13 کے ذاتی اسکور پر پویلین لوٹ گئے۔ 32 کے اسکور پر ٹیم انڈیا کو تیسرا جھٹکا سوریہ کمار یادو کی شکل میں لگا، جو اس میچ میں بھی صفر کے اسکور پر پویلین لوٹ گئے۔ یہاں سے آسٹریلوی گیند بازوں کا دباؤ صاف دکھائی دے رہا تھا۔


ہندوستانی ٹیم نے پہلے 10 اوور میں صرف 51 رنز بنائے تھے اور آدھی ٹیم پویلین لوٹ چکی تھی جس میں اکیلے مچل اسٹارک نے 4 وکٹیں حاصل کیں۔ وراٹ کوہلی نے یقینی طور پر ایک سرے سے اننگز کو سنبھالا۔

ایک وقت ایسا لگ رہا تھا کہ وراٹ کوہلی ٹیم کو اس صورتحال سے نکال کر باعزت اسکور تک لے جائیں گے لیکن 35 گیندوں پر 31 رنز کی اننگز کھیلنے کے بعد وہ بھی نیتھن کے ہاتھوں ایل بی ڈبلیو آؤٹ ہو کر پویلین لوٹ گئے۔ اس کے بعد ہندوستانی ٹیم کی اننگز کے سمٹنے میں زیادہ وقت نہیں لگا۔


نچلے آرڈر میں اکشر پٹیل نے 29 گیندوں میں 29 رنز کی اننگز کھیلی جس کے سبب ٹیم کا اسکور 100 سے تجاوز کر سکے۔ بھارتی ٹیم کی اننگز 26 اوورز میں 117 رنز پر سمٹ گئی۔ اس میچ میں آسٹریلیا کی جانب سے مچل اسٹارک نے جہاں 5 وکٹیں حاصل کیں وہیں شان ایبٹ نے 3 جب کہ نیتھن ایلس نے 2 وکٹیں حاصل کیں۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔