ٹی-20 عالمی کپ: ’پاکستان کو رفتار ہندوستان کو شکست دینے کے بعد ہی حاصل ہوئی‘

نیوزی لینڈ کے خلاف دوسرے میچ میں پاکستان کی جیت میں اہم کردار نبھانے والے ملک نے کہا کہ ’’جب آپ اپنا ٹورنامنٹ شروع کرتے ہیں اور ایک بڑی ٹیم کے خلاف جیتتے ہیں تو ڈریسنگ روم کا پورا ماحول بدل جاتا ہے‘‘

شعیب ملک، تصویر آئی اے این ایس
شعیب ملک، تصویر آئی اے این ایس
user

قومی آوازبیورو

آئی سی سی ٹی-20 عالمی کپ میں پاکستان نے ہندوستان کو 10 وکٹ سے ہرایا تھا۔ اسے لے کر پاکستان کے تجربہ کار بلے باز شعیب ملک نے منگل کو کہا کہ وراٹ کوہلی کی قیادت والی ہندوستانی ٹیم کو ہرانے کے بعد ہمیں ٹورنامنٹ میں رفتار ملی۔ پاکستان نے 24 اکتوبر کو اپنے شروعاتی سپر-12 میچ میں ہندوستان کو 10 وکٹ سے ہرا دیا تھا۔ اس زوردار جیت کے بعد بابر اعظم کی قیادت والی ٹیم نے جو رفتار حاصل کی، اسے جاری رکھتے ہوئے پاکستان نے نیوزی لینڈ کو بھی شکست دی۔ اب منگل کو پاکستان نامیبیا کو شکست دے کر 2 مزید پوائنٹ حاصل کرنے پر توجہ دے گا اور سیمی فائنل میں اپنی جگہ پختہ کرے گا۔

سپر-12 میں نیوزی لینڈ کے خلاف دوسرے میچ میں پاکستان کی جیت میں اہم کردار نبھانے والے ملک نے کہا کہ ’’جب آپ اپنا ٹورنامنٹ شروع کرتے ہیں اور ایک بڑی ٹیم کے خلاف جیتتے ہیں تو ڈریسنگ روم کا پورا ماحول بدل جاتا ہے۔‘‘ انھوں نے مزید کہا کہ ’’مجھے لگتا ہے کہ ہندوستان کے خلاف جیت درج کر ہمیں وہ رفتار ملی ہے۔ ہم اسے برقرار رکھتے ہوئے ٹورنامنٹ میں اچھی کارکردگی پیش کرنے کی کوشش کریں گے۔‘‘

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔