پاکستان کو 5 وکٹ سے شکست دے کر ٹی-20 کرکٹ کا نیا عالمی چیمپئن بنا انگلینڈ، بین اسٹوکس نے بنائی نصف سنچری

بین اسٹوکر اور معین علی نے انگلینڈ کی ٹیم کو مشکلات سے نکال لیا ہے۔ اب انگلینڈ کو جیت کے لئے 12 گیندوں میں 7 رن درکار ہیں۔

پاکستانی گیندبازی کے سامنے کافی دیر تک مشکلات کا سامنا کر رہے انگریز بلے بازوں نے زبردست پلٹ وار کیا ہے۔ شاہین آفریدی چوٹ کی وجہ سے اپنا اوور پورا نہیں کر سکے اور پانچ گیندون افتخار احمد نے پھینکی۔ بین اسٹوکس نے اوور کی آخری دو گیندوں پر دو چکے لگائے۔ اس کے بعد دوسرے بلے باز معین علی نے محمد وسیم کے اوور میں تین چوکے لگائے اور انگلینڈ کا اسکور 119 تک پہنچا دیا۔ فی الحال انگلینڈ کا اسکور 17 اوور میں 4 وکٹ کے نقصان پر 126 رن ہے۔

درمیانی اوورز میں شاندار گیندبازی کا مظاہرہ کرتے ہوئے پاکستانی گیندبازوں نے ورلڈ کپ کے فائنل کو دلچسپ بنا دیا ہے۔ 14 اوور کے بعد انگلینڈ کا اسکور 4 وکٹ کے نقصان پر 89 رن ہے۔ بین اسٹوکس 21 رن اور معین علی 1 رن بنا کر کھیل رہے ہیں۔

پاکستان کے بولر شاداب نے انگلینڈ کو چوتھا جھٹکا دے دیا ہے۔ انہوں نے ہیری بروک کو 20 رن کے ذاتی اسکور پر کیچ آؤٹ کرا کر واپس بھیجا۔ انگلینڈ کا اسکور 13 اوور کے بعد 4 وکٹ کے نقصان پر 87 رن ہو گیا ہے۔

پاکستان کی طرف دئے گئے 138 رن کے ہدف کا تعاقب کرتے ہوئے رفتہ رفتہ انگلینڈ کی پوزیشن مضبوط ہو رہ ہے۔ تین وکٹ کھونے کے بعد ہیری بروک اور بین اسٹوکس نے اننگ کو سنبھال لیا ہے۔ بروک 15 جبکہ اسٹوکس 18 رن بنا کر کھیل رہے ہیں۔ فی الحال 11 اوور کے بعد انگلینڈ کا اسکور 79 رن ہو گیا ہے۔

انگلینڈ کا اسکور 8 اوور کے بعد 3 وکٹ کے نقصان پر 61 رن ہو گیا ہے۔ ہیری بروک 10 گیندوں میں 10 رن بنا کر اور بین اسٹوکس 10 گیندوں میں 5 رن بنا کر کھیل رہے ہیں۔ پاکستان کی طرف سے شاہین آفریدی نے ایک اور حارث رؤف نے دو وکٹ حاصل کئے ہیں۔ آؤٹ ہونے والی سلامی بلے باز نے 17 گیندوں میں 26 رن کا تعاون کیا۔

حارث رؤف نے شاندار کارکردگی کا مظاہرہ کرتے ہوئے کپتان جوس بٹلر کو 26 رن کے اسکور پر وکٹ کے پیچھے کیچ کرا کر واپس بھیج دیا ہے۔ انگلینڈ کا اسکور 5.3 اوور میمں 3 وکٹ کے نقصان پر 45 رن ہو گیا ہے۔

جوس بٹلر اور فل سالٹ کی خطرناک ہوتی جا رہی شراکت داری کو حارث رؤف نے توڑ دیا ہے۔ انہوں نے سالٹ کو 10 کے نجی اسکور پر افتخار کے ہاتھوں کیچ کرا کر واپس بھیجا۔ 138 رن کے ہدف کا تعاقب کرتے ہوئے انگلینڈ کی ٹیم نے 4 اوور میں 2 وکٹ کے نقصان پر 32 رن بنا لئے ہیں۔

قدرے چھوٹے ہدف کا دفاع کرنے کے لئے اتری پاکستانی کی ٹیم کو شاہین آفریدی نے اپنے پہلے ہی اوور میں کامیابی دلا دی ہے۔ انہوں نے اپنے اوور کی آخری گیند پر ایلکس ہیلز کو بولڈ کر کے واپس بھیجا۔ دوسری اننگ کے 2 اوور مکمل ہو چکے ہیں اور انگلینڈ ایک وکٹ کے نقصان پر 21 رن پر کھیل رہا ہے۔

انگلینڈ نے ٹاس جیت کر پہلے پاکستان کو پہلے بلے بازی کی دعوت دیتے ہوئے شاندار گیندبازی کا مظاہرہ کیا ہے۔ سلامی بلے باز محمد رضوان کے 15 رن کے اسکور پر آؤٹ ہونے کے بعد وقفہ وقفہ پر وکٹ گرتے رہے اور پاکستان مقررہ 20 اوور میں 8 وکٹ کے نقصان پر محض 138 رن ہی بنا سکا۔ شان مسعود نے سب سے زیادہ 38 رنوں کا تعاون کیا۔ اس کے علاوہ بابر اعظم نے 32 اور شاداب خان نے 20 رنوں کا تعاون کیا۔ انگلینڈ کی گیندبازی کی بات کریں تو سیم کرن نے سب سے زیادہ 3 وکٹ حاسل کئے، جبکہ عادل راشد اور کرس جارڈن نے 2-2 اور بین اسٹوکس نے ایک وکٹ حاصل کیا۔

محمد وسیم کے طور پر پاکستان کو آٹھواں جھٹکا لگا ہے، انہوں نے صرف 4 رنوں کا تعاون کیا۔ آخری 3 گیندیں باقی ہیں اور پاکستان نے صرف 131 رن بنائے ہیں۔

انگلینڈ کے کھلاڑیوں نے 129 کے اسکور پر پاکستان کو ساتواں جھٹکا دے دیا ہے۔ محمد نواز سیم کرن کی گیند پر 5 رن بنا کر آؤٹ ہوئے۔

شاداب خان کے طور پر پاکستان کا چھٹا کھلاڑی آؤٹ ہو گیا ہے۔ انہوں نے 14 گیندوں میں 20 رن کا تعاون کیا۔ پاکستان نے 18 اوور میں 6 وکٹ کے نقصان پر 127 رن بنا لئے ہیں۔

شان مسعود کے طور پر پاکستان کو 121 رن کے اسکور پر پانچواں جھٹکا لگا ہے۔ 17 اوور پونے ہونے پر پاکستان کا اسکور 5 وکٹ کے نقصان پر 122 رن ہے۔

افتخار احمد کو بین اسٹوکس نے وکٹ کیپر کپتان جوس بٹلر کے ہاتھوں کیچ کرا کر واپس بھیج دیا ہے۔ وہ اپنا کھاتہ بھی نہیں کھول پائے تھے۔ پاکستان کا اسکور 12.2 اوور میں 4 وکٹ کے نقصان پر 85 ہو گیا ہے۔

عادل راشد نے اپنی ہی گیند پر بابر اعظم کا کیچ لیتے ہوئے پاکستان کو تیسرا جھٹکا دے دیا۔ یہ عادل کا دوسرا وکٹ ہے۔ بابر نے 28 گیندوں میں 32 رن اسکور کئے۔ ان کے بعد افتخار احمد میدان پر پہنچے ہیں جبکہ دوسرے کھلاڑی شان مسعود 14 گیندوں میں 23 رن بنا کر کھیل رہے ہیں۔ پاکستان نے 12 اوور کے اختتام پر 2 دکٹ کے نقصان پر 84 رن بنا لئے ہیں۔

پاکستان کی اننگ کے 10 اوور مکمل ہو چکے ہیں اور اس نے 2 دکٹ کے نقصان پر 68 رن بنا لئے ہیں۔ بابر اعظم 29 رن اور شان مسعود 11 کے اسکور پر نابعد ہیں۔ جبکہ آؤٹ ہونے والی کھلاڑی محمد رضوان نے 15 اور محمد حارث نے 8 رن کا تعاون کیا۔

انگلینڈ کے گیندباز عادل راشد نے اپنے اسپیل کی شروعات کرتے ہوئے پہلی ہی گیند پر محمد حارث کو آؤٹ کر کے پاکستان کو دوسرا جھٹکا دے دیا ہے۔ حارث 12 گیندوں میں 8 رن بنا کر واپس لوٹے۔ پاکستان کا اسکور فی الحال 7.1 اوور میں دو کٹ کے نقصان پر 45 رن ہے۔

ٹاس ہر کر پہلے بلے بازی کر رہی پاکستانی ٹیم کو 29 رن کے اسکور پر محمد رضوان کے طور پر پہلا جھٹکا لگا ہے۔ انہیں 15 کے ذاتی اسکور پر سیم کیرن نے بولڈ کر کے واپس بھیجا۔ ان کے بعد محمد حارث میدان پر پہنچے ہیں جبکہ کپتان بابر اعظم 11 رن پر کھیل رہے ہیں۔ پاکستان اسکور 5 اوور کے بعد ایک وکٹ کے نقصان پر 29 رن ہے۔

میلبرن میں کھیلے جا رہے فائنل میچ میں انگلینڈ نے ٹاس جیت کر پہلے بولنگ کا فیصلہ کیا ہے۔ دونوں ٹیموں نے اپنی پلیئنگ 11 میں کوئی تبدیلی نہیں کی ہے۔

انگلینڈ پلیئنگ 11: جوس بٹلر (کپتان اور وکٹ کیپر)، ایلکس ہیلز، فلپ سالٹ، بین اسٹوکس، ہیری بروک، لیام لیونگ اسٹون، معین علی، سیم کرن، کرس ووکس، کرس جارڈن، عادل راشید۔

پاکستان پلیئنگ 11: بابر اعظم (کپتان)، محمد رضوان (وکٹ کیپر)، محمد حارث، شان مسعود، افتخار احمد، شاداب خان، محمد نواز، نسیم شاہ، حارث رؤف، شاہین آفریدی۔

ٹی-20 عالمی کپ کا فائنل پاکستان اور انگلینڈ کے درمیان آسٹریلیا کے میلبرن کرکٹ گراؤنڈ پر کھیلا جا رہا ہے۔ ٹاس اچھالا جا چکا ہے اور انگلینڈ کے کپتان جوس بٹلر نے ٹاس جیتا لیا۔ بٹلر نے بابر اعظم کو پہلے بلے بازی کرنے کی دعوت دی ہے۔ کچھ ہی دیر میں پاکستان کی بلے بازی شروع ہونے جا رہی ہے۔

انگلینڈ-

افغانستان کے خلاف 5 وکٹوں سے جیت

آئرلینڈ سے 5 رنز سے ہار

آسٹریلیا کے خلاف میچ بارش کے سبب منسوخ

نیوزی لینڈ کو 20 رنز سے شکست دی

سری لنکا کو 4 وکٹوں سے شکست دی

ہندوستان کو 10 وکٹوں سے شکست دی (سیمی فائنل)

پاکستان-

بھارت سے 4 وکٹوں سے ہار

زمبابوے سے ایک رن سے ہار

نیدرلینڈز کو 6 وکٹوں سے ہرایا

جنوبی افریقہ کو 33 رنز سے ہرایا

بنگلہ دیش کو 5 وکٹوں سے ہرایا

نیوزی لینڈ کو 7 وکٹوں سے ہرایا (سیمی فائنل)

فاتح: تقریباً 13 کروڑ روپے

رنر اپ: 6.44 کروڑ روپے

سیمی فائنل سے باہر: 3.22 کروڑ روپے

سپر 12 میں فاتح: 32 لاکھ روپے

سپر 12 سے باہر ہونے والی ٹیم: 56.43 لاکھ روپے

پہلے راؤنڈ میں فاتح ٹیم: 32 لاکھ روپے

پہلے راؤنڈ سے باہر ہونے والی ٹیم کو: 32 لاکھ روپے

پاکستان نے ٹی-20 ورلڈ کپ میں جس طرح سے آغاز کیا تھا، کسی کو اندازہ نہیں تھا کہ وہ فائنل میں بھی پہنچ سکے گا۔ ہندوستان اور زمبابوے سے ہارنے کے بعد ٹیم نے زبردست واپسی کی اور لگاتار میچ جیت کر فائنل میں جگہ بنائی۔ پاکستان نے سیمی فائنل میں نیوزی لینڈ کو شکست دی تھی۔

دوسری جانب انگلینڈ نے بہتر آغاز کیا تھا لیکن پہلے بارش اور پھر آئرلینڈ سے ہار کے بعد انہیں جھٹکا لگا تھا۔ بعد میں انگلینڈ نے رفتار پکڑی اور فائنل تک رسائی حاصل کی۔ انگلینڈ سیمی فائنل میں بھارت کو 10 وکٹوں سے شکست دے کر یہاں تک پہنچنے میں کامیاب ہوا ہے۔