گل نے لگائی شاندار سنچری، جیسوال-جڈیجہ کی بھی شاندار بلے بازی

برمنگھم ٹیسٹ میں پہلے دن کا کھیل ختم ہونے تک ہندوستانی  ٹیم نے 5 وکٹوں کے نقصان پر 310 رنز بنا لیے ہیں۔ پہلے دن اسٹمپ تک کپتان شبھمن گل 114 رنز بنا چکے ہیں اور رویندر جڈیجہ 41 رنز بنانے کے بعد ان کے ساتھ کھیل رہے ہیں۔ پہلے دن یشسوی جیسوال بھی چمکے، جن کی 87 رنز کی دھواں دار اننگز نے ٹیم انڈیا کو اچھی شروعات دی۔

دوسرے ٹیسٹ میچ میں انگلینڈ نے ٹاس جیت کر پہلے گیند بازی کا فیصلہ کیا۔ ٹیم انڈیا پہلے بلے بازی کے لیے اتری، جیسوال اچھی تال میں نظر آئے لیکن لیڈز ٹیسٹ میں  سنچری لگانے والے  کے ایل راہل صرف 2 رنز بنانے کے بعد آؤٹ ہوگئے۔ کرون نائر کو برمنگھم ٹیسٹ میں نمبر 3 پر بیٹنگ کا موقع ملا۔ چونکہ سائی سدرشن کو ڈراپ کیا گیا تھا۔ نائر نے اچھی شروعات کی، لیکن وہ 31 رنز بنانے کے بعد آؤٹ ہوگئے۔

جیسوال ایک سرے کو تھامے ہوئے تھے، انہوں نے نائر کے ساتھ 80 رنز کی شراکت داری کی۔ اس کے ساتھ ہی انہوں نے رشبھ پنت کے ساتھ 66 رنز کی شراکت داری کی۔ پنت نے دن کے تیسرے سیشن میں تیز انداز میں بلے بازی شروع کی لیکن 25 رنز بنانے کے بعد آؤٹ ہو گئے۔ ٹیم انتظامیہ نے نتیش کمار ریڈی کو دوسرے ٹیسٹ کے لیے موقع دیا لیکن وہ صرف 1 رن بنانے کے بعد آؤٹ ہو گئے۔

ہندوستانی ٹیم نے 211 کے اسکور پر پانچواں وکٹ گنوایا۔اس کے بعد ٹیم انڈیا نے تیسرے دن کا کھیل ختم ہونے تک کوئی وکٹ نہیں گنوایا۔ شبھمن گل اور رویندرا جڈیجا نے چھٹی وکٹ کے لیے 99 رنز کی شراکت قائم کی اور دونوں ابھی کھیل رہے ہیں۔ انگلینڈ کی جانب سے کرس ووکس نے اب تک 2 وکٹیں حاصل کی ہیں۔ ان کے علاوہ برائیڈن کارس، بین اسٹوکس اور شعیب بشیر نے ایک ایک وکٹ حاصل کی۔