پاکستانی اسپنر یاسر شاہ کو انگلینڈ کی خشک وکٹوں سے امید

پاکستان کے اسپنر یاسر شاہ انگلینڈ کے خلاف آئندہ ٹیسٹ سیریز کے دوران خشک پچوں سے وکٹ حاصل کرنے کے لئے پر امید ہیں کیونکہ انہیں لگتا ہے کہ اس سے انہیں انگلینڈ کی مضبوط بیٹنگ لائن اپ کے خلاف بولنگ میں مدد ملے گی۔

یاسر شاہ مشتاق احمد کے ساتھ اپنی گگلی اور دیگر مختلف اسپن کےہنر پر کام کر رہے ہیں ، جو ان کے اسپن بولنگ کوچ کی حیثیت سے پاکستان اسٹاف میں شامل ہیں۔

یاسر شاہ نے کہا ہے کہ وہ انگلینڈ کے خلاف اگلے ماہ سے شروع ہونے والی ٹیسٹ سیریز سے قبل اپنی گگلی اور بیٹنگ پر کام کررہے ہیں، امید ہے کہ انگلینڈ میں خشک وکٹیں ان کے گگلی کیلئے مدد گار ثابت ہوں گی۔

جمعرات کو انٹرنیشنل کرکٹ کونسل (آئی سی سی) کی ویب سائٹ پر یاسر شاہ نے کہا کہ میری گگلی اچھی حالت میں آ رہی ہے۔ دو روزہ میچ میں میں نے جو بھی گگلی کیں وہ اچھی رہی ہیں۔ میرے خیال میں یہ میرا سب سے اہم ہتھیار ہوگا۔