محمد حفیظ، فخر اور ریاض پاکستان کی ٹی۔20 ٹیم سے باہر

محمد اکرم کی صدارت والی سلیکشن پینل نے ٹیم میں چار نئے کھلاڑیوں لیفٹ آرم اسپنر ظفر گوہر، گیندباز آل راونڈر اماد بٹ، آل راونڈر دانش عزیز اور لیگ اسپنر زاہد محمود کو ٹیم میں شامل کیا ہے۔

محمد حفیظ، تصویر آئی اے این ایس
محمد حفیظ، تصویر آئی اے این ایس
user

یو این آئی

کراچی: محمد حفیظ، فخر زماں، وہاب ریاض، شاداب خان اور اماد وسیم کو جنوبی افریقہ کے خلاف ٹی۔20 سیریز کے لئے پاکستان کی 20 رکنی ٹیم سے باہر کر دیا گیا ہے۔ پاکستان کرکٹ بورڈ (پی سی بی) نے اتوار کو ٹیم کااعلان کیا۔ پاکستان نے ٹی۔20 میں آخری سیریز نیوزی لینڈ کے خلاف کھیلی تھی جسے اس نے 1-2 گنوا دی تھی۔ شاداب نے اس سیریز میں ٹیم کی قیادت کی تھی۔ محمد اکرم کی صدارت والی سلیکشن پینل نے ٹیم میں چار نئے کھلاڑیوں لیفٹ آرم اسپنر ظفر گوہر، گیندباز آل راونڈر اماد بٹ، آل راونڈر دانش عزیز اور لیگ اسپنر زاہد محمود کو ٹیم میں شامل کیا ہے۔

ٹی۔20 سریز کے تمام تینوں میچ قدافی اسٹیڈیم میں کھیلے جائیں گے۔ سیریز گیارہ فروری سے شروع ہوگی۔ کھلاڑی اور حکام تین فروری کو بایو ببل میں داخل ہوجائیں گے۔ جو کھلاڑی راول پنڈی میں دوسرے ٹیسٹ کا حصہ ہیں وہ دوسرا ٹیسٹ ختم ہونے کے بعد بایو ببل میں داخل ہوں گے۔


ٹیم: بابر اعظم، آمر یامن، اماد بٹ، عاصف علی، دانش عزیز، فہیم اشرف، حیدر علی، حارث روف، حسن علی، حسین طلت، افتخار احمد، خوشدل شاہ، محمد حسنین، محمد نواز، محمد رضوانی، سرفراز احمد، شاہین آفریدی، عثمان قادر، ظفر گوہر اور زاہد محمود۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔