راجکوٹ ٹسٹ: ہندوستان اننگ اور 272 رنوں سے فتحیاب

فالو آن کے بعد کھیلتے ہوئے ویسٹ کی پوری ٹیم 196 رنوں پر ڈھیر ہو گئی۔ ہندوستان نے پہلا ٹسٹ میچ اننگ اور 272 رنوں سے جیت لیا ہے۔ انڈیز نے چائے کے وقفہ کے بعد 185 کے اسکور سے آگے کھیلنا شروع کیا اور ایک وکٹ اور گنوا دیا۔ اس کے بعد جڈیجا نے ویسٹ انڈیز کے آخری کھلاڑی کو بھی پویلین کا راستہ دکھا دیا۔ کلدیپ یادو نے شاندار گیندبازی کرتے ہوئے 5 وکٹ حاصل کئے۔ آر اشون کو 2 جبکہ رویندر جڈیجا کو 3 وکٹ حاصل ہوئے۔

فالو آن کھیلتے ہوئے ویسٹ انڈیز نے 8 وکٹ گنوا دئے ہیں۔ چائے کا وقفہ ہونے تک ویسٹ انڈیز کا اسکور محض 185 رن ہے۔ کلدیپ یادو نے شاندار گیندبازی کرتے ہوئے 5 وکٹ حاصل کئے۔ آر اشون کو 2 جبکہ رویندر جڈیجا کو ایک وکٹ حاصل ہوا ہے۔

ویسٹ انڈیز کی دوسری اننگ کی بلے بازی بے حد خراب رہی اور اس کے 6 کھلاڑی 157 کے اسکور پر آؤٹ ہو کر پویلین لوٹ چکے ہیں۔ آر اشون نے 4 وکٹ لے کر ویسٹ انڈیز کی بلے بازی کی کمر توڑ دی ہے۔

پہلی اننگ کی بنیاد پر 468 رنوں سے پچھڑی ویسٹ انڈیز کی ٹیم کو ہندوستان نے فالو آن پر مجبور کر دیا۔ دوسری اننگ میں بھی ویسٹ انڈیز کی حالت بے حد خراب ہے اور اسکے 4 کھلاڑی محض 118 رن کے اسکور پر پویلین لوٹ چکے ہیں۔

ویسٹ انڈیز نے اپنی دوسری اننگ میں بلے بازی کرتے ہوئے ایک وکٹ کے نقصان پر 33 رن بنائے ہیں۔ کریگ بریتھویٹ 10 رن بنا کر آؤٹ ہو گئے انہیں روی چندرن اشون نے کیچ آؤٹ کرایا۔

ہندوستان اور ویسٹ انڈیز کے درمیان دو میچوں کی ٹسٹ سریز پہلے مقابلہ کے تیسرے دن ہندوستان نے ویسٹ انڈیز کو 181 رنوں پر آل آؤٹ کر دیا۔ ہندوستان نے پہلی اننگ کی بنیاد پر 468 رنوں کی سبقت حاصل کی۔ ہندوستان نے ویسٹ انڈیز کو فالوآن کا موقع دیا ہے یعنی اسے ہدف کا تعاقب کرنے کو کہا۔

اس سے قبل ہندوستان نے ٹاس جیت کر پہلے بلے بازی کرتے ہوئے اپنی پہلی اننگ میں 9 وکٹ کے نقصان پر 649 رن بنا کر اننگ ختم کرنے کا اعلان کر دیا تھا۔