ہندوستان بمقابلہ پاکستان اے میچ ! ویبھو سوریہ ونشی پر نظریں مرکوز، کپتان جیتیش سے بھی بڑی امیدیں

نوجوان بلے باز ویبھو سوریہ ونشی آج رائزنگ اسٹارز ایشیا کپ ٹی 20 میچ میں’پاکستان شاہینز‘ کے حملے کی دھارکند کرنے کے ارادے کے ساتھ میدان میں اتریں گے۔ حالانکہ اس دوران یہ بھی بحث ہورہی ہے کہ کیا جیتیش شرما کی قیادت میں انڈیا اے ٹیم یہاں بی سی سی آئی کی’ ہاتھ نہ ملانے کی پالیسی‘ پر عمل کرے گی؟۔

ایشیا کپ ٹورنامنٹ کے دوسرے وکٹ کیپر اور موجودہ ٹورنامنٹ میں انڈیا اے کے کپتان جیتیش سے بھی کافی امیدیں کی جارہی ہیں۔ آج میچ کے دوران سبھی کا دھیان 14 سال کے سوریہ ونشی پر رہے گا، جنہوں نے آئی پی ایل میں سنچری لگا کرعالمی کرکٹ میں تہلکہ مچادیا تھا۔ پچھلے میچ میں سوریہ ونشی نے متحدہ عرب امارات (یواے ای) کے خلاف 42 گیندوں پر 144 رنز کی ناقابل یقین پاری اننگزکھیلی اور سینئر انٹرنیشنل (اے ٹیم) کرکٹ میں سنچری بنانے والے سب سے کم عمر ہندوستانی بلے باز بن گئے۔

حالانکہ انڈیا اے کے ہیڈ کوچ سنیل جوشی اپنے بلے بازوں کو یہ یاد دلانا چاہیں گے کہ پاکستان کا حملہ متحدہ عرب امارات کے مقابلے میں بہتر ہوگا۔ ہندوستان کے سامنے سب سے بڑا چیلنج دائیں ہاتھ کے تیز گیند باز عبید شاہ ہوں گے، جو سینئر بین الاقوامی کھلاڑی نسیم شاہ کے چھوٹے بھائی ہیں۔ ہندوستانی ٹیم میں زیادہ تر وہ کھلاڑی شامل ہیں جنہوں نے آئی پی ایل میں اچھی کارکردگی کا مظاہرہ کیا تھا۔ اس میں جیتیش اور رمندیپ سنگھ ہی دو ایسے کھلاڑی ہیں جو سینئر ٹیم کی طرف سے بین الاقوامی میچ کھیل چکے ہیں۔