دھونی کی موجودگی سے ٹیم کا حوصلہ مضبوط ہوگا: وراٹ کوہلی

وراٹ نے کہا کہ "دھونی کو بیک روم اسٹاف میں شامل کرنے سے ٹیم کا حوصلہ بڑھے گا اور ٹیم کے نوجوان کھلاڑیوں کو دھونی کے تجربہ سے کافی فائدہ ملے گا جو انھیں اپنے کھیل کو آگے بڑھانے میں مددگار ثابت ہوگا۔

وراٹ کوہلی اور دھونی، تصویر آئی اے این ایس
وراٹ کوہلی اور دھونی، تصویر آئی اے این ایس
user

یو این آئی

دبئی: ہندوستانی کپتان وراٹ کوہلی کا خیال ہے کہ ایک مینٹر کے طور پر مہندر سنگھ دھونی کی ڈریسنگ روم میں موجودگی سے ٹی 20 ورلڈ کپ کے لیے ٹیم کا حوصلہ بڑھے گا۔ وراٹ نے گزشتہ روز کہا کہ "دھونی کو بیک روم اسٹاف میں شامل کرنے سے ٹیم کا حوصلہ بڑھے گا اور ٹیم کے نوجوان کھلاڑیوں کو دھونی کے تجربہ سے کافی فائدہ ملے گا جو انھیں اپنے کھیل کو آگے بڑھانے میں مددگار ثابت ہوگا۔

بطور کپتان اپنا آخری ٹی ٹوئنٹی عالمی کپ کھیل رہے وراٹ کوہلی نے کہا کہ ’’دھونی اس ماحول میں واپسی کرنے پر کافی پرجوش ہیں۔ جب ہم سبھی نے اپنا کیریر شروع کیا تھا وہ تبھی سے ہم سب کے لئے ایک مینٹر ہیں، وہ اس وقت ٹیم کے لئے کھیل رہے تھے اور ان کے پاس اب موقع ہے کہ وہ اس کام کو پھر سے جاری رکھیں۔ خاص طور پر ان نوجوان کھلاڑیوں کے لئے جنہیں اپنے کیریر کے شروعات سال میں بڑا ٹورنامنٹ کھیلنے کو مل رہا ہے۔ انہیں یہ جاننے کا موقع ملے گا کہ ان برسوں میں انہوں نے کتنا تجربہ حاصل کیا ہے۔ ان کی موجودگی سے ہم کافی خوش ہیں اور ان کے شامل ہونے سے ٹیم کا حوصلہ مزید بلند ہوگا۔‘‘

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔