پیاز کی قیمت کو قابو کرنے کے لئے درآمد کرنے کا فیصلہ

نئی دہلی: ملک کے مختلف حصوں میں گزشتہ کچھ و قت سے پیاز کی قیمتوں میں ہورہے اضافہ کو قابو کرنے کے لئے حکومت نے اب اسے درآمد کرنے کا فیصلہ کیا ہے۔قیمت استحکام فنڈ منیجمنت کمیٹی کی آج یہاں ہوئی میٹنگ میں یہ فیصلہ کیا گیا۔ میٹنگ کی صدارت امور صارفین کے سکریٹری اویناش سریواستو نے کی۔ اس میں سرکاری ایجنسیوں کے ذریعہ پیاز درآمد کرنے کا فیصلہ کیا گیا۔

اس کے علاوہ دہلی اور دیگر اس کی پیداوار کرنے والی ریاستوں سے نیفیڈ 10ہزار ٹن اور ایس ایف اے سی دو ہزار ٹن پیاز خریدے گا ۔ اس کی سپلائی صارفین ریاستوں میں بھی کی جائے گی تاکہ قیمتیں قابو میں کی جاسکیں۔

خیال رہے کہ گزشتہ کچھ ہفتوں سے راجدھانی دہلی اور ملک کے دیگر مقامات پر پیاز کی خردہ قیمت پچاس سے ساٹھ روپے فی کلوگرام تک پہنچ گئی ہے۔