کانگریس نے ایل پی جی کی قیمتوں میں اضافہ کو مرکزی حکومت کو 'نئے سال کا تحفہ' قرار دیا

کانگریس نے ہندی میں ٹوئٹ کیا ’’نئے سال کا پہلا تحفہ۔ کمرشل گیس سلنڈر اب 25 روپے مہنگا ہو گیا ہے، یہ تو ابھی شروعات ہے۔‘‘

ایل پی جی سلینڈر / آئی اے این ایس
ایل پی جی سلینڈر / آئی اے این ایس
user

قومی آوازبیورو

نئی دہلی: تجارتی گیس کی قیمتوں میں اضافے پر بی جے پی کے زیر قیادت مرکزی حکومت کو تنقید کا نشانہ بناتے ہوئے، کانگریس نے آج کہا کہ یہ عوام کے لیے حکومت کا ’نئے سال کا تحفہ‘ ہے اور ’یہ صرف شروعات ہے۔‘ کانگریس نے ہندی میں ٹوئٹ کیا ’’نئے سال کا پہلا تحفہ۔ کمرشل گیس سلنڈر اب 25 روپے مہنگا ہو گیا ہے، یہ تو ابھی شروعات ہے۔‘‘

خیال رہے کہ کمرشل صارفین کو اب 19 کلو کے ایل پی جی سلنڈر کے لیے 25 روپے مزید ادا کرنے ہوں گے۔ گھریلو صارفین کے لیے نرخوں میں کوئی اضافہ نہیں کیا گیا۔ کمرشل ایل پی جی سلنڈر کے نرخ بڑھنے سے ریستوران اور ہوٹل متاثر ہوں گے۔ اس سے آنے والے دنوں میں باہر کھانا یا آرڈر کرنا مزید مہنگا ہو سکتا ہے۔


قیمت میں اضافے کے بعد تجارتی ایل پی جی سلنڈر دہلی میں 1768 روپے، ممبئی میں 1721 روپے، کولکاتا میں 1870 روپے اور چنئی میں 1917 روپے کا ہو گیا۔ ملک میں گزشتہ چند سالوں میں ایل پی جی کی قیمتوں میں اضافہ دیکھا گیا ہے، جس سے گھریلو بجٹ متاثر ہوا ہے اور مرکزی حکومت کو اپوزیشن کی جانب سے شدید تنقید کا سامنا کرنا پڑا ہے۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔